اقتباس:
كاتب النص الأصلي : kosayka2
سواءاً بالتصميم أو بالبحبشة
هلق كمان في فكرة انو لازم يكون نسلط الضوء على كتير من الجمعيات يلي بتشتغل كتير و ما منسمع فيها
مثلا في جمعية أسمها أمال خاصة بالأشخاص المعاقين موجودة على طريق المطار بالشام
و بتشتغل شغل كتير حلو ..
و للأسف لهلق كتير قلال الناس يلي بيعرفوا عنجد شو هي
و في كتيييير غيرها و غيراتها مثلا كمان في عنا جمعية خاصة بالأطفال المشردين أي لهلق ما حدا عرفان عنها شي
هلق إذا قدرنا نسلط الضوء عيلهم منكون فعلا أشتغلنا شغل كتيييير حلو
فكرة حلوة بس بدها تطبيق ناجح و صحيح من شان ما تصير غوغائية و تضيع الطاسة
--
|
تمام نحنا هادا هدفنا ، هدفنا نساعد هالجمعيات تصل للشبيبة ، ونساعد الشبيبة تصل ، ونساعد حالنا أنو نعرف يعني شغلة هيك كلها عبعضها فوايد بفوايد ..
اقتباس:
كاتب النص الأصلي : لامار رمز الدمار
|
شكرا ً كتير عالرابطين ، هلق حلو جدا ً أنو نستفيد من خبراتن للرابطين
بس اللي براسي بعيد عن التنين
اللي براسي نحنا ما نحكي عن المعاق والفقير و .. و .. و .. يعني نحنا ما رح ناخد قضيتن ونحملها ع كتافنا ( أصلا ما حد افيه يحمل كل القضايا سوا ) .. نحنا بدنا نعمل دليل ، موسوعة روابط ، فهرس إذا بدك .. لكل شي عمل تطوعي بسوريا
هلق الرابطين فادوني بأنو شوف شو اللي ما بدنا ياه بالموقع !
نحنا ما بدنا نحكي عن شو القضية ، بدنا نحكي عن التطوع بمفهومه شو ما كان يكون .. ( هي مهمة لجماعة البحبشة .. لأنو بيطلع معن بعدين كتير كتير كتير كتير شغلات .. )
ونحنا ما بدنا تفاعل ، يعني الصفحة تبع المشاركات بالمنتدى تبع التطوع السوري ! الجديدة كلها مواضيع منتدى عادي ! ، نحنا ما بدنا نعمل منتدي ( بيكفي منتديات بتشبه بعضا ) ، ما بدنا البني ادم لا يسجل ولا من يحزنون ولا بدنا نجبلو كتب عن الاعاقة ولا .. ولا .. نحنا هدفنا نمسك بإيدو نوصلو لعند هالجمعيات
ويبقو هني يكفو
ونحنا ما بدنا اسم صعب ( يعني ملتقى الشباب التطوعي السوري MSV )
نحنا بدنا موقع بسيط ( موجز جدا ً ) مع إمكانية بحث ، وبس
