بالاذن من اخونا احمد صاحب الموضوع , بس في عندي لسا تعليق صغير على اراء السيد توم وجيري
في مذكرات الكاتب والشاعر فرج بيرقدار , الي انسجن 15 سنة في سجن تدمر , بيحكي فصل من فصول المعاناة وهي لما بينقلوا على سجن تدمر , واحد عناصر الامن المكلفين بنقلن بيلقي علين محاضرة بالوطنية وبيقول الدكتور عنصر الامن مخاطبا المعتقلين , اللي كلن من المثقفين , التالي.
نايمين يا عكاريت؟! من شوية كنتوا بالفرع عاملين لي قبضايات! هلق منشوف زلوميّتكن.. قال شو..؟ ما بتعرف خيرو لتجرِّب غيرو.. والله تاتْشوفوا نجوم الظهر هلق.. بتستاهلوا.. ماني فهمان شو كان بدكن بهالشغلة الوسخة.. كلَّيتكن مثقفين وعايشين وعين ألله.. رْفَسْتوا النعمة لشو؟! شو يللي ما عاجبكِن بسيادة الرئيس آ ا ا؟ منين بدكن تجيبوا رئيس أحسن منُّو؟! أحكوا.. هاتوا تاشوف.. منين؟ صدقوني إذا بتبرموا الدنيا شرق وغرب، ما رح بتلاقوا رئيس بيجي لضفر من ضافيرو.. والله لو تفهموا وتقدروا بس، تاكنتوا تركعولو وتصلُّولو ياعكاريت.. قولوا بس شو يللي ما عاجبكن فيه ؟! ولك والله شخا..... دوا.. ولك والله والله خر...... مزار..
اللي خلاني حط هالتعليق هلق انو طريقة تفكير السيد توم وجيري بتشبه طريقة تفكير عنصر الامن , رغم انو كما قال طالب جامعي .........غريب ما هيك ؟
|