100 مرحبا
اقتباس:
انا و بكل صراحة عم اعلن انو شايف انو وضع البلد عم ينهار ... داخليا و خارجيا
|
برأيك هالشي مانو مدروس من القيادة الأميركية ومن فترة طويلة ..والي عم يساعدها بهيك شي هالمرتزقة الي عم احكيلك عنون ..
أنا شايف داخلياً الوضع كتير متحسن وعم يتحسن
اقتباس:
خارجيا .. الله يستر من شي مصيبة
|
فعلاً الله يسترنا ..
اقتباس:
طيب انا شايف انو بقدر حل هالمشاكل
بس لحتى اقدر حل هالمشاكل بدي كون بموقع بقدر منو حل هالمشاكل
يعني بصراحة بدي صير رئيس جمهورية
|
ما بتقدر تحل الموضوع ألا اذا صرت رئيس جمهورية ؟؟؟ معناها كل ما واحد بدو يساعد البلد لازم يصير رئيس جمهورية ..طيب في مراكز كتير بالقيادة ألها أهمية متل رئيس الجمهورية وفي كتير مراكز قيادية بتحل الأمور بدون ما ترجع لرئيس الجمهورية
اقتباس:
انا ما بدي صير رئيس بطرق ملتوية متلو
|
هو ما صار بطرق ملتوية .... بس شوف الي عمل العملة وحطوا رئيس ..لش عملها ... لا تقلي بيت الأسد ...ما حدا كان عندوا سلطة ليعملها من بيت الأسد
اقتباس:
انا شايف ( و هاد رأيي ) انو انت يا صياد بتنفع تكون رئيس جمهورية
|
هادا رأيك وشكراً ألك عليه ...بس هالمنصب مو منصب سهل ومانو لعبة ... وكل واحد بيعرف امكانياتو
اقتباس:
اذا هوي بيعرف انو الشعب بيحبو و شايف انو منيح و بينفع بمركزو ... خلي الشعب يقرر بانتخابات ديمقراطية يا اخي
|
كيف بنعم أو لا اذا ما في مرشح تاني ؟؟؟ يعني اذا لا مين بدو يصير رئيس ؟؟؟ لازم يكون في مرشح جديد ...خلي حدا يرشح حالو وبعدها منشوف شو النتائج
دمت انت وحديثك الراقي ...
ســــــــــــــــــوريا قلعة الصمود العربي