[مسطول على طول]

كاتب النص الأصلي : phoenixbird

برافو
وبرجع بقلك اللي قلتو من قبل حرام تكون مسطول

خليني حامل هل السطل وماشي ميت كلمة مسطول ولاكلمة الله يفك أسرو

كاتب النص الأصلي : yass

لازم احكي الصحيح... موضوع جدا عجبني لأنو حسيت فيه الحرقة و الانزعاج اللي عم يشعر فيه المعتّر هالأيام.. و لذلك ثبتو بلاك لمدة 3 أيام... مو لأنو في لهجة تهكمية أو ساخر انما قضية هي بهالأيام قضية الشارع بلا منازع طبعا.. لأنو قضية قوت العيش .. و جنب قوت العيش كل شي صغير و كل شي موجود لا معنى له.

طبعا رفع الدعم عن المازوت و وضعه بهالسعر خازوق عصملّي من الكبار و مدهون بزيت حامي كمان.. و قرار رغم انو صارلنا نسمع اشاعات عنو من شهور الا انه تم الاثبات انو مرتجل ارتجال فضيع.. لأنو الحكومات اللي تحترم حالها و تحترم البلد اللي حاكمتو ما بتطالع قانون انما تطالع حزمة قوانين.. اللي هي القانون الرئيسي و مجموعة قوانين لاصلاح المشاكل اللي ممكن تنشب بسبب هالقانون.. هيك الأصول و هيك اللازم لكن عنا كلو بالمقلوب.. طالعو القانون و بعد يوم لقعدو يفكرو شو يعملو بالمواصلات... و هلأ تذكرو انو والله مزبوط الري يعتمد عالمازوت كمان و هلأ لطلبو دراسات عن تأثير هالقانون على الري و المحاصيل... مو قبل صدورو متل ما بلاد الخلق و العالم تشتغل

و كمان حكى مسطول (الله يديم عليك و يجيبلنا المساطلية اذا هيك) عن مشكلة العلف.. جزء من مشكلة الأفران جاية من انو الخبز هالأيام أرخص من العلف, و في ناس عم تشتري خبز بكميات كبيرة لتطعمي الغنم..

ما نقول غير انو ألله يمضّي هالأزمة على خير و الله يساعد هالعالم ع محنتها

ع راسي أبو أرمال بيكفي أنك عايش براة وحاسس بالناس

الأمر ماعاد فشة خلق أو الواحد ينتعلو كم كفرية ويتفشش .. يمكن بدنا حدى يسمعنا من صانعي القرار عسى والعل قلوبهم تحن أو تتأثر على أمل التخفيف من الأزمةبعرف أنو مالح يتراجعو عن ما أقدمو علية ولكن نأمل واكرر نأمل أن يزيدو حصة الأسرة من البونات وكذالك يأمنو لكل صاحب قطعة أرض شيىء من هذا القبيل وأن يرفعو معاشات الموظف اكثر لضخ أموال اكبر قد تسهم بمعالجة التضخم والركود الأقتصادي , يمكن صار أغراق شوي من هل المواضيع للأسف موبس بالمنتدى بقدر قول بكل مكان وبكل شارع وبكل بيت .. كنا عم نسمع بالمصريين والأردنية عن هل الأوضاع الزفت الي عندهم بس واليوم عم نعيشها مع فارق أنة المواطن المصري والأردني قدر يحتج نوعاً ما ولاقى صحافة معارضة تحكي بأسمو وبأسم الشارع .. عنا للأسف مافي شي من هل القبيل على مستوى سيريا نيوز ماحدى مسترجي يكتب مقال من كعب الدست حتى, الا شويت تنغيم مابيعكس الواقع أبداً


خازوق فات فات مافي مجال بزيت بلا زيت مابعرف المهم بيوجع , وبظن كتار عم ينتظرو الدراسات ونحنا عم ننتظر شو ممكن يطلع معهم ,


تحياتي


(مواطن متخوزق)