اقتباس:
كاتب النص الأصلي : fernanda bachchan kfoury
سمحولي قول هالكلمتين وفل
الغلاء مش بس بسوريا يعني الرئيس معذور
يعني ازا فرنسا اللي هيي فرنسا بلد متقدم وضمن الاتحاد الاوربي وعم تعاني من غلاء الاسعار فمارح تكون غريبة او بعيدة ع سوريا وكل شعوب العالم الثالث
|
مزبوط
لكن في نقطتين لازم ينأخذو بعين الاعتبار:
الغلاء العالمي سببو غلاء مادتين بشكل أساسي: القمح (الحبوب بشكل عام بس بشكل أساسي القمح) و النفط, فلذلك طبيعي انو الدول اللي ما تنتج هالمادتين (مثل اوربا الغربية بشكل عام) تعاني من الغلاء.. لكن ببلدنا نحنا ننتج المادتين بما يحقق, أو يكاد - نظريا- الاكتفاء الذاتي و ماننا اعضاء لا بمنظمة التجارة العالمية و لا بأوبيك و بالتالي للاستهلاك الداخلي فينا نبيع على كيفنا و بالسعر اللي بدنا ياه.. يعني موجة الغلاء على هالمادتين كان ممكن تساعدنا بدل ما تكسر ظهرنا لو في تخطيط جيد و وصلنا للاكتفاء الذاتي و تصدير الفائض.. لكن سوء التخطيط المتراكم على 40 أو 50 سنة (مثل التخطيط الزراعي لحوض الفرات اللي عملوه السوفييت الله يكسر ايدهم على هالعملة) ادى الى هذا الأمر
و النقطة الثانية هي انو الأسعار اللي "كاسرة ظهر العالم" عم ترتفع بين الـ 10- 20% على مدى فصل أو فصلين أو حتى سنة (هاد أكبر ارتفاع و صار بسعر الحليب باليورو زون) و عنا ارتفعت مادة اولية بقرار واحد 350%!! و الحجة الأولى لهالرفع ما كانت عدم التوفر انما لمنع التهريب!
يجوز الغلط مو غلط الناس اللي هلأ عم تتحكم بالأمور.. أو مو غلطهون فقط.. انما تراكم هدر و فساد و سوء تخطيط على مدى عقود..