[fernanda bachchan kfoury]

كاتب النص الأصلي : yass

مزبوط

لكن في نقطتين لازم ينأخذو بعين الاعتبار:

الغلاء العالمي سببو غلاء مادتين بشكل أساسي: القمح (الحبوب بشكل عام بس بشكل أساسي القمح) و النفط, فلذلك طبيعي انو الدول اللي ما تنتج هالمادتين (مثل اوربا الغربية بشكل عام) تعاني من الغلاء.. لكن ببلدنا نحنا ننتج المادتين بما يحقق, أو يكاد - نظريا- الاكتفاء الذاتي و ماننا اعضاء لا بمنظمة التجارة العالمية و لا بأوبيك و بالتالي للاستهلاك الداخلي فينا نبيع على كيفنا و بالسعر اللي بدنا ياه.. يعني موجة الغلاء على هالمادتين كان ممكن تساعدنا بدل ما تكسر ظهرنا لو في تخطيط جيد و وصلنا للاكتفاء الذاتي و تصدير الفائض.. لكن سوء التخطيط المتراكم على 40 أو 50 سنة (مثل التخطيط الزراعي لحوض الفرات اللي عملوه السوفييت الله يكسر ايدهم على هالعملة) ادى الى هذا الأمر

و النقطة الثانية هي انو الأسعار اللي "كاسرة ظهر العالم" عم ترتفع بين الـ 10- 20% على مدى فصل أو فصلين أو حتى سنة (هاد أكبر ارتفاع و صار بسعر الحليب باليورو زون) و عنا ارتفعت مادة اولية بقرار واحد 350%!! و الحجة الأولى لهالرفع ما كانت عدم التوفر انما لمنع التهريب!

يجوز الغلط مو غلط الناس اللي هلأ عم تتحكم بالأمور.. أو مو غلطهون فقط.. انما تراكم هدر و فساد و سوء تخطيط على مدى عقود..

طيب القمح منتركو ع جهة
منروح للبترول نحنا كدول مصدرة للبترول مع ارتفاع اسعارو للدول المستوردة اكيد هنن رح يصدرولنا المواد الغذائية بسعر مرتفع

وبالمناسبة بسوريا ازا كان الدخل الفردي قليل بس الواحد فيو يعيش فيه يعني بكفيه هوي وعيلتو الحمد لله
بس مثلا بفرنسا العكس ازا مصروفو قليل يادوب يكفيه فاتورة الكهربا والمي ...الخ

ملاحظة: عم باخد فرنسا كمثال لانو ساركوزي قبل ماينتخبوه قال انو هوي اللي رح يرجعا امبراطورية ذات سلطة متل ماكانت من قبل >>>بس نحنا عم نشوف العكس (تدني المستوى المعيشي)

sorry عالاطالة