بتعرف موضوعك حلو و لذيذ بس حبيت اطرح نقطة معظم اللي ما معون أموال بحبو دائما يعزو انفسن بفكرة انو المال ما بيسوي شي
و انو السعادة ما بتنشرى و هي وسيلة من الوسائل اللي منتخذها لنخفف عن حالنا الم فكرة انو مو ممكن بيوم من الأيام نصير
مع انو كلياتنا منعرف انو المصاري بتجبلنا كتير شغلات منحبها و منحلم فيها و بتساعد عا اسعاد حياتنا و تملكنا كل شي بدنا ياه
شو يعني انو المعو مصاري ما بيضل عندو مشاكل لا طبعا المعو مصاري عندو كتير مشاكل اول مشكلة هي انو كيف بدو يحافظ على ثروتو و ينميها
من شان ما يصير فقير و يفقد كل امتيازاتو
و مو يعني اذا في كم واحد غني تعيس كل الأغنياء تعسا معظم الأغنياء و اللي معون مصاري مبسوطين و عايشين المود تبعون
المال اساس كل شيء و لكنه ليس كل شيء بنفس الوقت هناك الحب و المرح و شغلات تانية
بموضوعك ملاحظ انك عم تتطرف لموضوع انو في دول ما عندها موارد مالية بس تعتبر من اقوى الدول الصناعية
معك حق بهالشي بس طيب العقول مو هي اللي بتجيب المصاري؟
يعني المصاري بتجي من العدم ؟ طبعا لا
و طالما في عقول و ظروف جيدة لنمو الموارد بيكون في مصاري و طالما في مصاري في تقدم
