يعني ربح الريال اليوم واحد صفر ... منيحة ومو منيحة !!!
النقاط ال3 مهمة كتير ... بس في شغلة محيرة جدا !
اول نص ساعة من المباراة كانت حلوة كتير وممتعة كتير ... كان في شي اسمه فريق عم يتحرك على ارض الملعب والهدف الاول اجا بعد ضغط واضح وبشكل مستحق ...
بعد الهدف جماعة سانتاندير طلعوا من مواقع الدفاع للهجوم وهاد شي مفهوم اكيد وادى لتراجع الريال نسبيا .
هلق الشوط التاني كان بداية ضعيفة صحيح ... وكان واضح انه الفريق لازمه روح جديدة على ارض الملعب ...
طيب وصار واضح انه التبديل مهم كتير خصوصا بعد ما زادت خطورة الضيوف نسبيا ، ( ومع اني في هالمباراة بالذات ما فكرت انه الريال ممكن يخسر المباراة ابدا ) بس كان في لحظة من اللحظات في معاناة واضحة يعني بعد 65 دقيقة لعب التبديل بيعطي المباراة روح جديدة ...
بس للاسف ما شفنا غير راؤول على مستوى الهجوم وما كان في اي تغيير على مستوى خط الوسط ... يعني لو كان فارت مثلا من الدقيقة 70 احسن بكتير من انه يشارك بال 85 يعني ما بيلحق يبين معه شي ؟؟؟
ما بعرف ليش عم حس انه بللغريني مدرب بخاف من التبديلات ... وحتى احيانا بيرضى بالنتيجة بسرعة وبحاول يحافظ عليها دفاعيا ... ولا كيف ؟؟؟
ما بعرف ... حدا عم يشوف متلي شي ولا صار لازمني نظارات ؟؟؟
The Saddest Thing in Life Is a Lost Talented Man
----
كلما رحبت بنا الروض قلنا ... حلب قصدنا وأنت السبيل
----
بالمسدس ... تحل كل المشاكل...
|