اقتباس:
كاتب النص الأصلي : محمد ابراهيم
ما حصلي الشرف وروحت اشتريت من بياع قات 
انا خزنت بتعز مع شخصيات محترمة ، موظفين بجامعة تعز وقعدت مع مدير مدرسة واساتذة وهم بيخزنو ولا شفت قرف ولاشي (اصلا القات مابيخرج من تم اي حدا منهم ابدا  ) دايما الكرة ظاهرة وبس .
اما موضوع التكيف باليمن بالنسبة للصبايا فاعتقد شيئ شبه مستحيل ، لو خرجتي بتياب ضيقة او بشعرك (مافي حدا مارح يطلع عليكي ) لانك بالنسبة لهم غزال شارد بوسط الخيام السوداء السائرة عبر الطرقات . ولكن هذا ليس موضوعنا ، موضوعنا القات .
انا كتبت بالرد الاول انو ماعجبني القات
عفكرة ، ياريت تحكيلي عن حفلات النساء والاعراس ، شو بتعملو فيها ؟ جد بدي اعرف . |
من البداية وقبل قراءة الردود ووقتت شفت الصور حسيت انو الموضوع مطروح بشكل ساخر واستهزائي وهالشي زعجني جدا لانني شخصيا عشت باليمن واعرف جيدا ما هي طيبة الشعب اليمني وما هي عاداته وتقاليده....وهي لا تختلف كثيرا عن الارجيلة في سوريا او عن شبيهتها في مصر...
مناقشة موضوع تعاطي القات هو موضوع مرحب به وفينا نناقشه بكل رحابة صدر اما تنزيل صور بهالشكل فهي موضوع جدا مستهجن....هي واحد
رقم 2...الصور الموضوعة هي صور من بيئات فقيرة وبالتالي فيها مزيج من البؤس...والمضحك المبكي....وما فينا نقول انو هاد هو الطقس العام لممارسة القات...ومتل ما في فقراء بيخزنوا بالشوارع في كبار المثقفين يللي بيجتمعوا يوميا بعد الضهر بالمقيل (مكان الاجتماع)...وغالبا بيكون بشكل دوري ببيت واحد كل يوم وفيه يتم تداول الاحاديث والنقاش بالمواضيغ وغالبا في جو من الود والحميمية لتنتهي الجلسة بساعة من الصمت مسماة بالساعة السليمانية....
وسبق لي بحكم العلاقات العائلية اني اجتمعت مرات عديدة مع كبار الشخصيات اليمنية (د.المقالح /رئيس جامعة صنعاء/..د.خالد الرويشان/وزير الثقافة سابقا/..زيد مطيع دماج/كاتب ومفكر/ وكتيرين غيرهم) في لقاءات ابداعية...وفيني قول انو الفضل لوجود الابداع فيها هو للقات ....