اقتباس:
كاتب النص الأصلي : بيلسان
يسعد أوقاتكو يا جماعة
مع فيروزتنا والصوت الملائكي
بعتذر عن انقطاعي عن الموضوع
وبشكركو على كل هاي المشاركات والأغاني المرفقة
يمكن بلشت متحمسة وبعدين صارت مشكلة معي 
ملاقية شوية صعوبة بقصة الأبجدية
يعني لحد اسا مش عارفة اذا بقيان اشي عالألف  وفش عندي فكرة اذا صار بينفع نبلش بالباء
اكيد هيك ارتب بس يمكن لو قسمنا الاغاني لألبومات ومسرحيات وحفلات كان اسهل بكتير
بكل الاحوال انا مكتبتي الفيروزية جاهزة بخدمة أخوية دايما
وشكري الكبير لأبو سليمان  |
أهلا بيلسان
وين هالغيبة
على فكرة يمكن معك حق، بقصة الترتيب الابجدي في ناس رح تضطر تستنى ناس تانية، والناس التانية يمكن ما يتوفرلهن الوقت، او ممكن يكون عندهن اسباب بتمنعهن عن التواصل الدائم(عم احكي عن أي حدا) فمشان هيك، برأيي يتم تنزيل الاغاني عشوائيا، لأنو حتى بحسب الالبومات رح يكون في صعوبة، لأنو كمان مو كل الالبومات متل بعضها، يعني كل شركة او محل بيجمع الاغاني بألبوم وبيسميهن على كيفو
وغير هيك، يعني خلي اللي بدو أغنية يدور عليها شوي ، بس بالوقت الحاضر، وبس ينعمل فهرس لكل الاغاني بالنهاية مابيعود في صعوبة بإيجاد الاغنية لأنو بنكتبها و بنكتب جنبها رقم الصفحة اللي موجودة فيها، وبرأيي انو الفهرس يكون بحسب الترتيب الابجدي مشان سهولة البحث
شو رأيكن،