اقتباس:
انا كتير مبسوطة لأنك سألتني هاد السؤال
لما بتفوت البنت بقصة حب يعني شب وبنت
البنت مابتعرف الشب ولا لشب بيعرفها
بيتعرفو عبعض البنت بتحب الشب...الشب عم بتضحك عليها((نحنا عم نحكي عن هي الحالة بس ..ويلي هية منتشرة كتير))
بيبلش طلبات تلفون طلعات
وبعدين بيختلي فيها
البنت بتفقد عذريتها
شو بدها تساوي..
يابتحكي لأمها و بيتسترة عليها وبيزوجوها من واحد من قرايبينها وبيذلها طول عمرها
يا بتنفضح وسيرتها بتصير عكل لسان عم طريق الشب
يابتتزوج بتتطلق بليلة العرس
بحب زيد عهل حكي
مشان تكون الصورة واضحة أكتر
الأخ لما بيتقم لحتى يخطب وحدة بيقولو هاد أختو بزمانها عملت هيك وهيك
ولما بيتقدم خطابين للأخت وبينسأل عنها
الناس بيقولو هي اختها بزمانها عملت هيك وهيك
ولما واحد بيشوف الأب وبيعرف باللي صار معو
بيتطلع فيه من فوق لتحت وبيهز راسو بيمعنى أنو الله يعينك عهل بنت
و الأم ماعد إلها عين تشوف العالم من الحكي ألي بينحكا عتربايتها
والبنت حالتها لسا أسوء من كل هدول
بتوقع الصورة صارت واضحة ..
|
صدقيني للناس يلي بتفهم الحب و العلاقة بين الشب و البنت اسمى و ارقى من هيك
و بحب ضيف قول للسيد المسيح من كان منكم بلا خطيئة فليرجمها بحجر