[Hus]

شكرا للنصيحة

بس ليش في انطباع عام انو البنت زنكيلة وبدو يستلف منها ما بعرف شقد وبدو يرسم قدامها انو هوي الي يعني فلق الصخر ..
صرت ملاحظ هال الموضوع دوم

عاد تلات اترباع البنات الي بك اتواعدون هدول بتلاقيها مستعيرة كنزتها من اختها والبنطلون من رفيقتها والجزدان اخدتو من بنت خالتها و الحلق الي معلقتو بدينيها تبع امها لما خطبها ابوها وادين منشان جبلها ياه ..والموبايل الي بإيدها ما فيه شريحة اساسا وهوي خربان و مشترييتو بالتقصيت على سنتين وهوي اصلا حقو بين 150 - 350 ورقة .. ولو كان يعني لو كان شغال وفيه شريحة بيكون مستعيرتو من صاحبها التاني منشان لما تقابلك اتفرجيك انو معها موبايل
ولو ركزت شوي بتلاقي جراباتها مخزقين نيح الاصبع الكبير لانها ما بتقص اضافيرا وبيشققو الجرابات الاثرية دوم ..
ولو ركزت اكتر ما اتفكر انو هيي حاطي منكير على اضافيرها منشان اللقاء العظيم لاء حبيبي هذا يا اما وسخ تحت اضافيرها يا اما حنني محناي اضافيرا لانو بيتكسرو وامها كحتوتي ما بدها اتجبلها مقويات
وبتقعد معها بشي مطعم لا لا ما جاي عبالي اكل رييجي بتعرف هلق صيف وهيك هي هي هي ..(وبتضح قال)
وبس يجي الجرسون بتطلب جاجتين مشوي ونص كيلو كباب وقبالو نصين شقف وطاجن تبولي .. وهيي عم تطلع فيك بتقلك انا ترى ما جاي عبالي اكل بس بحب هيك شوف الطاولي معباي

وبس يجي الاكل ما عاد بتتعرف على حدى بتنزل دق بالاكلات مت الي بحياتو ما شايف الاكل .. وانتا قاعد عم تتفرج عليها ومن بلهنتك بتقول بيجوز لاني اتاخرت عليها بالموعد خمس دقايق قام جاعت شوي ما مشكلة ..
ولما يجي الحساب بتحلف ميت حلفان انو لاه ... نحنا شباب ونحنا متل بعض ولا بدها تفع عن حالها .... وانتا المسكين بتقول ما دام هيك بدها ما حلوي من اول لقاء زعلها .. وبتفتحلك هال الجزدان وبتطلع الفيزا كارد (قال يعني تبعها) .. جرسوون اتفضل ..
دقيقتين وبيجي الجرسون بيقلها عفوا بس عطت ريفيوز الظاهر في مشكلة ولا ما فيها رصيد وهيي بتصرخ هداك الصوت بالغرسون عاد انتا بهال اللحظة بتضرب عينك على الكارد تبعها بتلاقيه اصلا خالصة مدتو من شي خمس سنين ومهتري وكانو لاميتو من الشارع ..

وانتو وراجعين بتقلها اتفضلي وصلك .. بتحمر وبتخضر من فوق لتحت .. وشو انتا مفكرني من البنات الي هني .....
وشو قصدك وعيب عليك .. ما كنت مفكرتك هيك .. عاد انتى من بلهنتك وطيبة قلبك زوقينا يعني عم اتقلها على استحياء خوفا انو لو ما قلتلها اتفضلي وصلك تنضرب على قلبها وتحرد !!

وللحديث تتمة ......