[سوا ربينا]

كاتب النص الأصلي : yass

معليش يعني بدك تطوّل بالك علينا لأنو ما بنفهم يعني و ناطرينك تفتحلنا عيوننا.... عيني احكي رأيك على راسي بس أولا احترام كيانية شعب عريق مثل شعب العراق و ثاني شي احترم اللي عم يحكي معك


قلتلي قال عنهون الحجاج بن يوسف؟؟ أنعم و أكرم و الله, صار الحجاج المنافق الدجال مرجعية بالتاريخ؟؟

شعب العراق أعرق الشعوب العربية و أكثرها حضارة و ثقافة و علما على مر القرون, طبعا بمنطق الدكتاتور هاد سبب منشان سحقهم لأنهم "مشاغبين"...

بعدين تعال لحظة لأسئلك سؤال: ليش يعني صدام ما كان عراقي؟ و شو شغلتو رئيس دولة غير أنو يخدم شعبو؟؟ و لا برأيك العكس يعني؟ رئيس الدولة هو الراعي و الشعب نعاج؟ يعني برأيك لأني معارض هلأ اذا المخابرات السورية اغتالتني بكون بستاهل و ما قصّرو فيني يعني؟؟؟ جاوبني بوجهي. استاهل قتل أنا؟؟؟

سيدي انا معك انه العراق تارخ وحضارة لكل العرب وعلى راسي اللي عم يحكي معي بس شو بدك بشعب اول ما سقط حكم صدام بلشوا يسرقوا ببعضهم وببلدهم اذا الواحد بيسرق ببلده شو ضل فيها القصة ....يعني على بلاطة متل ما بيقولو....

والله صدام كان خادم شعبه وما كان مخليهم محتاجين اشي ...اما هلأ شوف اذا صارو يوقفو على الكازيات بالدور والله بحياة صدام بعمره ما صار هالشي.....بعدين اللي بيسمعكو بيفكر انه صدام كان معذب كل الشعب ..لا صدام كان في فئة معينه بيعذها....وبيستاهلو طبعا...
اه بما انك معارض بتستاهل قتل .....يعني لو انت محل رئيس دولتك رح تعمل اللي هو بيعمله....والله ما اتوقع اكيد رح تعمل اسوء من اللي بيعمله....