عادي واقل من عادي بالنسبة للاعلام العربي وعلى راسو الاعلام المصري والسعودي
عم يحاولوا الايحاء انو الفلسطينيين خونة للقضية وما حدا شايل القضية على أكتافو غير حسني مبارك ومرتو و ابنو و ابو متعب وربعو
النظام المصري الرسمي اللي عمروا ما حط أنفو بقضية عربية الا لمصالحو الخاصة , واثبت التاريخ انو خرب كل القضايا العربية اللي اشترك فيها
مين كان المسؤول عن تهجير الفلسطينيين ب 1948 الا الجيوش العربية وعلى راسها الجيش المصري و الاردني؟؟
مو هني اللي رفضوا تسليح الفلسطينيين و اجبرون على ترك قراهن بحجة انو هني رح يدافعولن عنها؟؟ والنتيجة كانت معروفة , افرغوا نص فلسطين من سكانها مشان تستلمها اسرائيل فاضية
وبعدها كانت كل الحروب اللي دخلوها مع اسرائيل مشان مصالح مصر الخاصة, قناة السويس 1956 , الفشخرة و التاكيد على انو عبد الناصر زعيم العرب اللي رح يرمي اليهود بالبجر 1967 , حرب 1973 حرب التحريك مشان التمهيد لاسترجاع سيناء بطريقة الشحادة الساداتية المعروفة
واخيرا وليس اخرا التحالف المعلن مع اسرائيل ضد الفلسطينيين
هدا هو الدور المصري اللي بيلخص الدور العربي كلو بالقضية الفلسطينية
وصدقوني لولا صوت الفلسطينيين العالي لكانت الدول العربية انهت قضيتن من زمان
|