لمّا بيشوف أنّو كلّ البشر غير كاملين، ومحدا طوباوي... ولمّا يعترف بالإيجابيّات اللي بيمتلكا وما بيتخطّاها عند أقل ضعف ومشكلة! ولمّا السلبيّات يتقبّلا لأنّا موجودة أصلاً بس كمان يحاول يلاقي حلول للتخلّص منا. لما بيوثق بحالو وبقدراتو وهالشي بيجي مع ممارسة طويلة وصبر معيّن...
لمّا يوقّف كل مرّة بدّو يحاسب ويحاكم ذاتو فيا ويقول لنفسو شوي شوي على حالك يا ولد، اعتبر نفسك شخص بتحبّو كتير وراعيه بحلمك ولطفك وحنانك، وبظن هاي من الخطوات الهامّة اللي بتساعدنا على أنّو نتخطّى الأحكام القاسية يلي بنوجهها لذواتنا، ونتعامل معها على أنّها بشر قابلة للخطأ والضعف والوقوع!
بدون محبّة الذات والثقة فيها صعب على الإنسان يقول إني بحب الآخر وبوثق فيه. هالشي ما بيمنع لحظات الضعف اللي رح نمر فيها.
Mors ultima ratio
.
www.tuesillevir.blogspot.com
آخر تعديل sandra يوم 29/01/2009 في 18:02.
|