أول شي بشكرك كتير على وصفي بالمراهق .. الله يجزيك الخير بس ليك لا تعصب كتير أنا حكيت شي واقع ومو ضروري تتهجم عليي وتقول عني مراهق .. ما حبيتا منك أبو سمرة! 
أنا قلتلك أنو غريبة واحد بيشجع الإنتر من عشرين سنة .. وأنا يللي بعرفو أنو الإنتر من سنة 1989 من وقت ما إستلم موراتي رئاسة نادي الإنتر والإنتر ما فاز بالدوري الإيطالي غير بعد ما نزل يوفنتوس للدرجة التانية .. وجمهور الإنتر ما ظهر على الساحة هون بالوطن العربي غير لما بلش الإنتر يفوز بالدوري الإيطالي من كم سنة .. من حقي إستغرب ويمكن بكون غلطان بحقك ما بعرف يمكن أنته بتكون بتتابع الدوري الإيطالي من عشرين سنة وبيكون حكيك صح .. عموماً رح ضل مستغرب ومن حقي! 
إذا عم تحكي عن الدوري الإيطالي بالعشرين فبحب قللك بمتابعتي كان الدوري الإيطالي وصخ كتير كتير ودائماً كان في ألعاب من تحت الطاولة على كل مباراة .. وبتمنى ما تنكر هالشي .. ما بظن كمتابع للدوري الإيطالي من ((20)) سنة بينسى قصة لوتشيانو موجي مدير نادي يوفنتوس السابق وقصتو المشهورة سنة الـ1985 لما هدى أحد حكام الدوري الإيطالي (عاهرة) كرمال يخليهم يفوزو بالدوري الإيطالي .. هي الشغلة بتسأل عنها أية واحد إيطالي بيعرفها هالقصة .. وقصة يوفنتوس سنة الـ1997 لما اتهموهم أنو النادي عم يخلي لعيبتو يتعاطو المنشطات وكان الكل بيلاحظ أنو لعيبة يوفنتوس طول الدوري بتلاقيهم بيلعبو على نفس واحد بدون إرهاق .. ووصلت للمحاكم القصة ..
وبعدين بنجي لقصة الكالشيوبولي ويللي بالآخير تعاقب فيها يوفنتوس ونزل للدرجة التانية بعد ما لقطوا التسجيلات يلي كان يتفق فيها مع الحكام مشان المباريات تنتهي لصالحهم كرمال هدايا سيارات الفيراري وما بعرف شو!
وبالنهاية مشان هادا موال إنتو أكتر بطولات ومراهقين ومابعرف قال نغير فريقنا كل سنة  .. معليش بلاها هالكلمات لأنك ماعم تحاكي واحد غبي من تبعات كل يوم بفريق و ما عندو معلومات بالدوري الإيطالي .. ماعم تحاكي واحد بيشجع برشلونة أو ريال مدريد لحتى تلاقي طول الوقت فريقو منافس ومنتصر وبيحكي عن بطولات فريقو .. عندي إذا بدك كتب الإيطالية بتحكي عن تاريخ الدوري الإيطالي من التمانينات لهلأ ... كتب من إيطاليا عن أندية بالدرجة التانية كان في إلها فترات ذهبية بالدوري الإيطالية متل فيروتا وبيروجيا .. أنا بشجع مو مشان المتعة .. بشجع مشان الإنتماء وإنتمائي من وقت ما بلش بالدوري الإيطالي كان مع روما ..
أنا بشجع روما حباً بالفريق وبالمدينة وحافظ أغاني النادي كلها وعانيت كتير مع هالفريق كتير لما كان ينافس عالهبوط بوقت من الأوقات .. Cuore D'sta Citta Unico Grande Amore  ..
بما إنك بتعرف بالدوري الإيطالي من عشرين سنة .. فينك تعطيني معلومات عن المدعو لوتشيانو غاوتشي يللي كان ظاهرة بيوم من الأيام بالدوري الإيطالي .. وإذا بتجاوب عليي فأنا بعتذر عن كل كلمة قلتها تجاهك !!
ليك أبو سمرة .. أنا كنت أتعاطف مع موراتي كتير لما كانت قصص يوفنتوس الوسخة تطلع بالدوري الإيطالي وكان موراتي دائماً متمرد على حكام الدوري الإيطالي .. بس هلأ للأسف مع التعاطف التحكيمي مالي عرفان حدد موقفي تجاه عمك موراتي للأسف 
سلامات!
What goes around comes around it's karma baby
(( معروف سابقاً كـRomanista ))
Previously known as Romanista
|