[ritka]

كاتب النص الأصلي : butterfly

تسؤ ما اقتنعت أنا لسى ، ( أحيانا بتضربني من حيثما شوية تناحة )

حسب التقرير أنو نصف الأفراد بالوطن العربي ، بيقبضو باليوم 2 دولار تمام ؟

أنا في عالم عندو نظرية بحبها ، أسمها هي النظرية نظرية الاحتياجات
هرم ماسلو " اسمو هو العالم ماسلو "

وهي صورتو للهرم

هلق إذا جينا ع سوريا وطلعنا ع التقرير اللي صدر من نفس الأمم المتحدة الإنمائية ، بال 2006
منشوف

يعني بعملية جمع بسيطة منكتشف أنو نص الشعب السوري إلا شوي 41.5 % فقير
يعني الاحتياجات ، الماء .. السكن ، البقاء .. الطعام ( هي المفروض شاغلة بالو ورح تشغل بالو على مدى السنين القادمة ) فهادا بدكن تستثنو معظم هي الطبقة من مشاريع الإبداع والاختراع وتحقيق الذات .. وما إلى هنالك اللي هي بأعلى هرم الاحتياجات

هادا من دون ما أدخل بخانة تبع الاحترام وقدي الإنسان عنا حاسس حالو محترم ومحقق عندو هالحاجة الاجتماعية فلهيك بيكفي لهون لنفهم عمي .. بدها حلول اقتصادية ، وسياسية .. و .. و .. كوشة شغلات الله وكيلك ( باقي على اللي ما شاغل بالو لا انو يجيب بيت ، ولا أنو يلاقي شغل ، ولا أنو يدفع دوا ضغط ودوا شحوم ودوا مدري شو ، واللي بيشكلو نص راتبو ) باقي على هالكمالة " اللي المفروض أنو هي تكون قدام مسؤولياتها .. ( لو بيعملولنا قدي من هدول اللي ما بيشغل بالن هالقصص .. هني نصابين و فاسدين في الدولة .. وما بيعنيلن لا إبداع ولا اختراع ولا هباب السخن )
وقتا منقدر نعرف قدي في نسبة ناس فينا تبدع وتخترع وتقرا وما عم تبدع وتخترع وتقرا

اي ميمو؟ و بعدين؟
وضعنا عم يمشي من سيئ لـ اسوأ.. بدنا نستنى يتغير لحالو هيك؟ فجأة؟ او يا ستي بعد شي مليون سنة؟ كمان بدو يتغير لحالو؟
ما رح يتغير ازا احنا ما غيرناه..
بدك تستني يصير احسن .. عمرو ما حدا بيبدع ولا حدا بيغير

شو قصتك مع الزهزهزة والتزهزه؟

شي متل مصطلحي المفضل فيك تقول.. بستخدمو بدون ما حس

هاي أنا ما قريتها.. سمعتها بهالزمانات من هابّرلو مادنة جامع بخطبة الجمعة..

طلع مع الشيخ -فض فوه- يومتها.. إنو الله سخّرلنا الغرب وأهل الغرب حتى يخترعولنا وسائل راحة.. سيارات.. طيارات.. تلفزيونات.. مراوح.. كل شي.. هاي شغلتهن بالحياة..

بينما نحنا ما لازم نشغل حالنا إلا وفقط إلا بعبادة الله..


أما علم واختراع وقراية ومدري شو!! كش برّا وبعيد..

عم تمزح انت؟ .. معقول؟

حطيتي ايدك على الجرح تمام

بيسعدني رأيك ..