اقتباس:
كاتب النص الأصلي : Marooshe
فعلا اهم شي هو انو نحكي مع الأطفال بلغتهم،
المسؤوليه بتفسير ظاهرة الموت بتوقع على المحيط الواعي للطفل يلي بدورو لازم يشرح الحادثه بمصطلحات بيقدر الطفل يستوعبها ويفهمها وتجاوبو على افكارو وتساؤلاتو وفضولو بما يتناسب مع جيلو لحتى يقدر يتعامل مع صورة الواقع...
ثانكس سوس  |
كلام سليم جداً مروش
اقتباس:
كاتب النص الأصلي : i m sam
يعني سوس نحنا عطول معزبينك بس شو نعمل ..
ممكن تشرحي ولو بالامثلة عن كيفية ايضاح الامر للاطفال يعني بصراحة ما قدرت ابسط الموضوع لما مات عصفور بنتي سألتني ليه مات قلتلها ضعف ومات ودفنتو انا وهي
بس انو كيف بسطلها موضوع الموت ما عرفت ولا هي سألت انما عشان لو سالت أكون جاهز
ومشكور تعبك مقدما
|
الله يخليلك ياها
ما بعرف إذا فيني أعطيك مثال لأن حالياً ما في شي ببالي وما عندي بصراحة صياغة جواب محددة
لكن أهم شي ما نكذب عالطفل
ليش مات فلان ... مرض ومات
وين راح ....لمكان بعيد
الموت صعب ..... اي أوقات بيكون صعب بس بعدين الواحد بيرتاح
يعني نحاول دايماً نخلي الإجابات صريحة وعلى أد سؤال الطفل وما نعطي الموضوع سلبية كبيرة
وموقفك بالحادثة يلي ذكرتها كان جداً مناسب
لأن بيقولو علماء النفس والتربية ... من الضروري اشراك الطفل بدفن حيوانه الأليف ... هاد شي بينمي عندو مفهوم الموت حتى لو ما سأل
اقتباس:
كاتب النص الأصلي : leonardo_dicabreo
أنا بقول أنه ما نشرحله أحسن!!!
|
بس كلام العلم بيقول لازم نشرح هالشي للطفل
// وأنّ حضورك في دمي مسكُ الختام //
آخر تعديل sandra يوم 18/11/2008 في 13:51.
|