لا طبعا الحلو تفاعل الشباب ومحاولة التفكير للوصول للحل ..
اقتباس:
|
بعتقد انو حتى الكوبي بست بدو شوية تفكير كمان هههه
|
طبيعي .. حتى ان في امتحانات البرمجة مثلا كلها بتكون openbook بتفتح الكتاب او النت او الي بدك وبتجيب الكود من وين ما بدك المهم بالنهاي ةالنتيجة..
لكن دوم النتائيج السهلة بتروح بسهولة .. النتائج الي منفكر فيها بجدية لما نلاقي الحل عاد بينحفر حفر ..
+ انتو ادرى طبعا في سلك العمل بالكمبيوتر لازم يكون الشخص دوم مستعد لاي ظروف
ممكن بلحظة معلومة صغيرة جدا واقعة منك توقفك ايام عن العمل مثلا .. او عن اصلاح عطل او او ..
عندي رفيق مهندس كمبيوتر بس كل ما صار معو اي مشكلة بالجهاز بيفرمت .. طبعا حل سهل وبلا وجع راص يعني
وفي رفيق تاني كمان هندسة كمبيوتر .. بس اذا احترق دين الجهاز ما بيفرمت غير بمزاجو .. يعني لكل شيئ حل لا بد ليه حل .. هيك برايو
طبعا الاول اسهل واريح ومرن اكتر .. بس هوي هوي .. لا حيزيد ولا حينقص .. والتاني ماشاء الله عليه ماله متخرج سنة وصار عم يعطي دورات مع انو معدلو بالكلية بتقدير جيد .. يعني تشحيط متل ما بيقولو
انا صار معي مشكلة من سنة ونص تقريبا مشابها للموضوع ..
كان عندي جزء من الهارد NTFS والباقي FAT32 المهم البارتشن ال NTFS عملت عليه شوية سكيوريتي وحركات .. كان عليه يعني شقى العمر متل ما بيقولو .. اهم برامجي ومصنفاتي وغيرو ..
المهم لسبب ما فرمتت السي والي هوي fat32 وعادي يعني متل اي فورمات .. بعد ما كلو تمام جربت ادخل ال D والي هوي NTFS وكان بالسابق قبل الفورمات عليه سكيورتي .. ما رضي ولا ستين حيط .. لك ما عم بقدر فوت على الدرايف من اساسو شايفو بس ما بيفتح ..
المهم الكمبيتر كان لسا وكالة نزلتو التوكيل Compaq والي هوي المفروض اساتزة الموضوع .. شي مهندسين وشي اجانب وشي اخصائيين ونام الجهاز يومين عندهم .. بعد يومين طلع معهم انو بيقدرو يعملولي فورمات لل D وبعدها بيقدرو يستردو بحدود 30-40% من محتويات الدرايف والموضوع بيكلف المبلغ الي هوي ..
قلنا لاء اصحكم كلشي الا فورمات وشو هاي 30-40% شو عم انبيع فجل ..
رحنا توكيل Microsoft بالقاهرة .. والنسخة اصلية وشايف حالي قد الدنيا
اي شو يا شباب هاي بضاعتكون وهاي نسختي وكلو بالسليم بس عنا هال المشكلة بعد امرك بدنا حلها ..
الافندية طلع معهم بعد ما نام الكمبيوتر يومين عندهم .. انو لاء بيقدرو يستردولي 60-70% على احسن تقدير من محتويات الهارد D + انهم حسيتخدمو برانامج اضافي ثمن ترخيصه 35$ ..
طبعا الموضوع بالنسبة لي مستحيل يعني ممكن ال 30% الي ما ترجع هيي الجزئ الي انا بدي ياه ..
المهم طبعا انا بقمة الاكتئاب يعني البرامج والعدة كلها قدامي وما عارف اوصلها .. شغلة فعلا قمة في الازعاج ..
من هون لهون شيل حط يعني الحكي شي اسبوع تجارب .. الله هداني لطريقة بنت ستين كلب اقدر استعد بيها كل محتويات ال D 100% وبدون اي برنامج خارجي .. ابدا ..
طبعا شعور رهيب .. تسالي العادي ..
هلق ما بعرف شو علاقة هال القصة بالموضوع ..وسامع واحد ورا عم بيقول هذا قسم الكمبيتور يا باشا وليس القصص القصيرة
بس فاقسي معي على طق حنك وما جاييني نوم ..
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !