[Hus]

شكرا لإطرائك أخي المتصفح دائما،

والشكر الأكبر لنقدكم البناء..

اما بعد،

لكل موقع على الشبكة ولكل كيان على الارض توجه عام و في اخوية التوجه العام السائد (او احد اهم المحاور والخطوط العريضة والمقدسات) هو الحريّة .. حرية الرأي والمعتقد .. وحق الممارسة للحرية وليس الحرية بالإسم فقط ..

ومن حيث كانت القداسة مطاطة شطاطة
ومن حيث كان لكل مقدساته من حيث لا يمكن احصاء المقدسات وحصرها ،
(يعني المسيحي عندو مقدسات متل المسيح ومريم مثلا والثالوث وغيرهم والمسلم عندو القرآن والرسول وغيرهم .. وبنفس الوقت عبادين الشيطان بيقدسو الشيطان !!! وعابدي الأصنام بيقدسو الحجارة _بدقة اكثر الي برأيينا هيي حجارة_ وهكذا دواليه ,, )
وعليه لا يمكن حصر المقدسات بقائمة لا ضيقة ولا عريضة ،

وهون بمعذل تماما عن توجهنا الديني او غيرو ، يعني سواء كان المشرف او الإداري مسلم او مسيحي او غيرو فهذا ما بيعني انو يهمل و يتجاهل حق عابد الشيطان او يستخف بألهته (مثلا)
بمعنى اصح احنا منحترم الكل ، وعليه ومما سلف

لا يمكننا حصر مجموعة من الرموز بقائمة وانقول يا جماعة هدول الله يرضى عليكم ما حدى يقرب منهم ولا حدى يحكي عنهم بالعاطل او بغيرو ..

الي عم قولو ما بينفع نستثني اشخاص او رموز معينة من الحرية بحجة القداسة ،، ما القداسة مطاطة متل ما وضحت سابقا ,, ولا يمكن حصر واحصاء المقدسات ..

من باب اخر ما يفهمه فلان على انه اسائة يفهمه علان على انه حرية وما يفهمه علان على انه طرح موضوعي يفهمه فلان على انه استهذاء او غيرو ..

وكلامي واضح .. ومن ابسط الأبواب ، لمن المسلم يقول للمسيحي انو المسيح مانو ابن الله فبالنسبة للمسيحي كانو عم يهزء بعقيدتو (من حيث المسلم عم بيقولها هون مثلا بنوع من النقاش العقلي) ولمن المسيحي يقول للمسلم انو شلون الرسول محمد اتزوج العدد الفلاني من النساء ايضا بيفهمها المسلم على انها اسائة و قصد المسيحي انو يفهم الموضوع مش اكتر ..

الخ الخ الخ ..
الأمثلة لا تنتهي بهذا الصدد ...

وعليه لا يمكن لا انشاء قائمة بالمقدسات و حطهم على جنب
ولا انشاء قائمة بالمصطلحات التي تتعدى باب النقاش الموضوعي وتدخل باب التهكم والعكس ..

ولهذا وكله ، ولذلك وبعضه .. شافت اخوية انو الحل الأنسب تبني استراتيجية و ايديولوجية "كل شيئ على الطاولة "

يعني نحن نحتكم للعقل والمنطق في كل شيئ ..

----
تنويه اخير، يا جماعة احنا العربان (الشعوب العربية) شعوب جديدة على الحرية ،،، احنا مش سامعين بالحرية سابقا غير بالمسلسلات والأفلام الأجنبية .. ولهيك تجربة الحرية بالبلادان العربية وشعوبها تجربة تحتاج للوقت الكثير لترسي دعائمها و تتبلور وتتاقلم والواقع .. ولهيك حتى الأن ولوقت ليس بالقصير ستبقى تثير استراتيجية اخوية العامة الكثير من التحفظات ، لأن لسا احنا بالمطلق جداد فعلا على الحرية ،،،

للموضوع تتمة انشاء الله ..