[وشم الجمال]

واسيني الاعرج كاتب رائع ومميز
انا قريتلو كم رواية قبل سنة

بتزكر منن طوق الياسمين كان فيها بيحكي عن علاقتين حب بينو وبين مريم وبين صديقو عيد وسلفيا
بيطرح فيها قضية العلاقة بلا زواج وانو كمان احساس البنت لما تكبر وما يكون في تفكير جدي من حبيبها بالزواج وبتتزوج شخص تاني لتنساه بس بتتعلق فيو اكتر وبتعمل علاقة مع واسيني وبتحمل منو وبتموت لانو بتكون مريضة بالقلب بس بتتحقق رغبتها بانو يكون واسيني ابو الطفل

وبتطرح كمان قصة حب بين شب مسلم وبنت مسيحية وكيف انو الارتباط مستحيل بعلاقتهن
وكمان بتزكر انو كان متعلق بمحي الدين العربي وخلال الرواية بخلي القارئ يتعلق نوعا ما بهالشخوص


يعني هاد يللي بتزكرو لانو زمان كتير قريتا بس بتزكر انو لما قريتا حاولت احصل على اي رواية لواسيني كان جدا مميز بكلماتو باحاسيسو بمشاعرو باسقاط الواقع على الرواية

وقريتلو حارسة الظلال كانت سياسية بنظري بحيث انو ذكر فيها كيف الاوضاع المتطرفة وتعامل الحكومات مع الصحافة باسلوب غبي لا اخلاقي
وبحكي عن السلام وعن الاوضاع بهديك الفترة

وسيدة المقام كانت حلوة بس حزينة واحداثها بتمثل كل يللي بصير من تعتيم وتقييد للحركات الدينية
هدول يللي بتزكرهن

وجد رائعين بهالاختيار لهالكاتب ورائعة عودتك فارس كانت منتظرة من زمان