اقتباس:
كاتب النص الأصلي : gabriel
في شي بحكيك غريب يعني انت هلق فتحت موضوع التقمص وهاد شي كتير كبير وما بينحكى عنه بكلمة وكلمتين .
اذا عبتطلب دليل واثباتات حتى ندعم فيها اقوالنا انا كمان بقدر اطلب منك دليل على وجود النفس في جسد آخر
مشان مشروع المكونات الاساسية هاي فكرة كتير قديمة وبديهية بالنسبة للعلماء الجيولوجيين يعني كيف بتقول 1 + 1 = 2 بتقدر تقول ان البشرية مكونة من المكونات الاربعة quatre elemet
واذا بدك دليل افتح كتاب هنري بولاد عن النفس والكون  |
كابرييل بشكرك عالرد
انا لما ذكرت مسألة احتمال ( انتقال الروح الى جسد مولود اخر ) ما عملت حالي كتير فهلوي ومتبحر بعلم التقمص , انا بس شاطرت ( ري مي ) يلي ذكرت مسألة احتمال انتقال الروح بعد خروجها من الجسد الفاني الى جسد مولود اخر , بعدين هالشغلة ما الها علاقة بـ ( التقمص ) يلي هو فعل ارادي بحت يعني متل ما تقول ( قدرة ساحرة ـ فن .. الخ )
ومسألة احتمال انتقال الروح بترجحو بعض الهواجس لدى الانسان يلي بيحس انو كان عايش بحياة اخرى او عاشر ناس مجهولين بيراودو خيالاتو متل الاشباح مثلاً.
ومسألة الاثباتات بدي قول الحقيقة : اعتقد انو لو تحاول تقرأ القرآن الكريم بدافع الثقافة ( وبتدبر )
وعلى مهل انا واثق انو راح تلاقي كتير اثباتات عن انو النفس بتموت لانو هي بتدخل بمكونات الجسد اللامادية او ممكن نقول العقلية
بينما الروح فهي بتغادر الجسد حاملةً معها كل ما يتعلق بمسيرة الجسد المستضيف
اما مسألة ( المكونات الاربعة ) يلي سميتها ( quatre elemet ) ويلي هي ( quarter element )
اي اخي كابرييل هدول الشغلات بيحكو فيهون علماء المادة يعني ما الهون علاقة بشي اسمو النفس والروح
وبكرر شكري الك وراح حاول لاقي كتاب هاد يلي حكيت عنو هنري بولاد مدري حديد ( ههه مزحة )
كان أقصى أهداف الجانب الرومنسي من حياتي هو إيجاد ( الحب )
الحب بمعناه الشامل لكل أنواع الحب .
فما وجدته بعد تسعة وثلاثون سنةٍ مضت من عمري إلا وهو في ...
فم التمساح .
محمود