و الله والله و الله لنتسلى.. ع قولة أب نهلة
طيب... نجي عالتسالي
اقتباس:
المسيحيين متعصبين لقضية صلب المسيح ومابيتقبله اي شخص يقول لهم
لم ينصلب
|
اقتباس:
ماشي رح اجي معك وقول انها ليست تعصب وانما دفاع عن عقيدة
وشتان بين التعصب والدفاع؟؟
التعصب هو اني عنّد برأي او تصرف او اي شيء
وقول انو لو بصير اي شيء مستحيل غيّر فكرتي
وشو ممكن نعرف الدفاع بهيك حالات؟؟؟
هو النقاش على اثبات رأي او فكرة بطريقة محترمة
التعصب كالدفاع عن رأي وفكرة ومنهج ولكن بطريقة محترمة اكتر و موضوعية وديموقراطية اكتر
|
المسيحيين متعصبين وقت يرفضو التشكيك بصلب المسيح... و انتي مانك متعصبة لأنك تقبلي التشكيك بنبوة محمد.. و تقبلي ينقال انو القرآن مانو منزّل انما كتبو ورقة بن نوفل مدري الراهب بحيرة.و تناقشي على اثبات فكرة "بطريقة محترمة" على حد قولك.... تقبلي انتي تنحكى هالأمور لحتى عم تقسمي من عندك انو المسيحيين متعصبين ( يجوز لأنو ما بيناقشو على اثبات فكرة بطريقة محترمة متلك.. ما بيعرفو) و تعطي من حالك تعريف للتعصب و الدفاع عن المعتقد...
و على فكرة... ما كنت رح اشير لهالجواهر اللي عم تحكيها لو ما كنتي من أكثر المدافعين عن "احترام العقائد"
و في تناقض بحكيك مذكور سابقا لا داعي لاعادته
خلصنا من المسيحيين نجي عالعلوية:
اقتباس:
الشيعة العلويين جماعة انشقت عن المسلمين السنّة وعملوا لحالهم راي ومنهج وفكرة واتعصّبوا لها الشي
|
العلويين انشقو من السنة؟ كيف يعني؟ طبعا ازا من مبدأ انو كل المسلمين كانو سنة و الكل انشق عن السنة الحكي صح.. بس ترا الشيعة كمان بيشوفو انو كل المسلمين كانو شيعة و السنة انشقو لما تبعو واحد دجال و منافق و انقلابي اسمو معاوية بن أبي سفيان..
و عملو لحالهون رأي ومنهج و تعصبو الو... يعني حسب تعريفك للتعصب كمان هدول آخدين الفكر تبعون تناحة ما بيعرفو يدافعو عنو و لا يناقشوه بطريقة محترمة, متل المسيحيين يعني... متعصبين...
بالله بجد هلأ بدي اسأل سؤال, و عم اسألو عن جد... انتي بتتعمدي الاستفزاز؟ هيك عم يخطر ببالي لما بشوف هالحكي... لأنو لو فيو ترابط منطقي كان قلنا ماشي... لكن حاسو مزتوت كأمثلة هيك بس للاستفزاز.. احساس شخصي يعني