اقتباس:
نسرين ...
على قاعدة قل لي ماذا تقرأ اقول لك من أنت ... 
قبل 5 سنين شو كنتي تحبي تقري ؟
|
مرحبا من جديد زيــد..
بداياتي ورحلتي مع الكتب بدات بلغز لتختخ وعاطف ولوزة ونوسة ومحب ان شالله ماكون نسيت حد
بعدين صرت أقرأ روايات كانت أمي تختارهم إلي
مثلا مرة جابتلي رواية لإحسان عبد القدوس
في بيتنا رجل من المستحيل انسى هالرواية قراتها بيومين
وحضرتها فيلم عمر الشريف وزبيدة ثروت
ومن هنا الرحلة للروايات العاطفية
والانطلاقة
مرتفعات ويذرنيغ , آنا كرنينا , بائعة الخبز , البؤساء طبعا هي كلها روايات عالمية
مائة عام من العزلة لماركيز الشيخ والبحر من الروايات يلي بحبها لارنست همنجواي
اني راحلة يوسف السباعي , ذهب مع الريح مارغريت ميشيل وماجدولين للمنفلوطي
وعندما يفكر الرجل من الروايات الرائعة لخولة القزويني
قرأت حتى بوليسي اجاثا كريستي وشارلوك هولمز وارسين لوبين
حتى الكتب الدينية قرأتها
وقرأت تاريخي كتاب شخصيات استوقفتني عن رجال تركوا بالتاريخ بصمة
متل هارون الرشيد والحجاج
حكيت كتير كأني
اقتباس:
|
شو كان اكتر كتاب شدك و حسيتي ترك بصمة بحياتك ؟
|
ع فكرة لوسالتني بالوقت يلي كنت اقرأ فيه كنت قلتلك
هلىء فكرت كتير بس ماحسيت انو في رواية انطبعت بمخيلتي
لانو بشكل عام كل قصة لما تقرأها وتنتهي من قراتها بتحس انك متأثر فيها لايام ولما ترجع تقرأ قصة تانية يمكن تتأثر اكتر او اقل
اسلوب الكتابة هو يلي ممكن ياثر فيني متل الروايات هي
حضرة المحترم لنجيب محفوظ من اروع الروايات العربية مثال للرجل العربي
هل تذكرين للكاتب اللبناني بيار روفايل رواية عاطفية
ومستحيل ننسى اسلوب احلام مستغانمي مع انو سردها بحسو غريب شوي كأنها بتحلم كتير أو بتحلق لبعيد كتير
مافي رواية اثرت فيني وتركت بصمة كل رواية قراتها عملت فيني شي جديد تغيير ممكن سلبي ممكن ايجابي الله اعلم
في كتاب بحبه جدا للدكتور العلامة البوطي اسمه
هذا والدي كمان وصف رائع للأب ومشاعره
اقتباس:
|
حاولتي في يوم من الايام تكتبي خواطر ؟ ... و اذا اي فرجينا شي من كتاباتك
|
كتبت كتير كتير جدا
كتبت للحب وللصداقة وللاخوة لابي ولامي للبلد لكل شي بيخطر ببالك
في تجارب فاشلة جدا في تجارب بشهادة الاصدقاء انها رائعة
رح بحبشلك بأرشيفي وان لقيت شي يليق بها الموضوع الشيق وبمستوى الاسئلة تكرم عيونك
ا
اقتباس:
جيت اليوم و قدمت لك الكتب التالية و قلتلك اختاري واحد هدية الك... (طبعا اذا بدك الكل تكرم عينك)
اي واحد رح تختاري و ليش ؟
|
الخيميائي ماقراتو ولا بعرفو
اما الباقيين قراتهم بالنسبة للحرافيش شفتها فيلم وقرات موجز عنها
شكسبير رواياتو لا كلام عليها بس بحسها كلها نابعة عن حالة هو عاشها
جابريل ماركيز بحسو اروع من كتب تعبيرو اسلوبو
الرجل الحديدي ماقراتها قبل اخدت موجز عنها واضح انها حلوة
اما مين رح اختار ؟؟
محتارة بين الحرافيش و حب في زمن الكوليرا
بختار حب في زمن الكوليرا لانها قصة رهيبة جدا من نظري بعتبرها غير واقعية ابدا بعتبرها خيالية بحت
احداثها بتخص كل رجل وكل امراة عاشوا قصة حب من دون امل
الامل يلي بينبعث من صلب الموت ...رواية من اكثر الروايات الدرامية تصوير للألم
بختارها لاحتفظ فيها يوم احتمال نحتاجها
ا
اقتباس:
|
ي نوع دراما تستهويكي ... اجتماعي - بوليسي - رومانسي - كوميدي ..... الخ
|
كل شي بوقتو حلو
لكن حاليا بفضل الاجتماعي الرومانسي اكتر
اقتباس:
|
لو صح لك تمثلي .. تاخذي دور البطل... اللي يحل كل مشاكل الناس و يتزوج اخير حلقة ... الا دور لشخصية مكافحة في الحياة؟ او دور شخصية اديب او كاتب ....
|
يعني رح قلك شخصية مكافحة ؟؟ وكون عم عظم من شأني
فعلا بختار شخصية مكافحة لاني بحب الرسالات بالحياة والاهداف بالحياة
ممكن اختار دور شخصية او كاتب وماشابه ان كنت من المعجبين بها الشخصية بكل محاورها
اقتباس:
|
تتخيلي فعلا الدراما الحالية تعبر عن الواقع ...؟
|
رح احكي عن الدراما السورية حصرا باعتباري عايشة فيها وبتابعها اكثر
باخر فترة بتخيل انو اي قدرت تعبر عن الواقع بشكل ملحوظ وملفت للنظر
اقتباس:
|
تتخيلي فعلا المخرج يفتل بالاحياء الشعبية قبل ما ينفذ العمل اللي يحكي عن الطبقة الكادحة الفقيرة
|
مابعرف مابدي قول ما بظن واظلم كم شخص
بس لو تابعنا الدراما متابعة دقيقة منقول بجدارة انو عم يفتل
اقتباس:
|
تعتقدي الدراما اللي تطلع هي الطبقة الفقيرة و همومها .. قد انصفتهم و طلعت واقعهم الحقيقي 80% ؟
|
هية طلعت واقعهم الحقيقي لبرى وصار غير مبهم صار صورة واضحة عن مايجري خلف الكوواليس
بس اذا انصفتهم مابعرف بس بتخيل النسبة يلي حطيتها واقعية
اقتباس:
|
غالبا يطلع المدير مو متعاون مع الموظفين ... و الجارة تحكي على بيت الجيران ... مو تشوةفي هي نوع من المبالغة ؟
|
للصراحة لا ابدا مافي مبالغة بس هاد مابيمنع انو لسه في ناس قلوبها ابيض من الثلج
متل قلبك زيد..
وناطرين