اقتباس:
ممكن من زمن بعيد كان الانسان كتلة مشاعر .... كتلة من الاحاسيس ....ومن هالمنطلق نسبوا له المشاعر الانسانية .... بس هلأ وبهالزمن راح الانسان وبلشنا ندور عالصفات الانسانية ... او حتى نفكر نلبسها متل توب العيرة .... الي منبقى مزعوجين فيه للنهاية .....
|
طيب حلينا اقول لك انا اللي فهمته من حكيك
الكائن الحي اللي بيمتلك مشاعر معينى سمّيت " مشاعر انسانية " وهي اللي بتميز الانسان عن بقية الكائنات الحية لكن بالوقت هاد مع غياب المشاعر والاحاسيس صار لازم نبحث عن معايير ومقاييس حتى نعوض الضائع او النقص بالمشاعر
انا هاد اللي فهمته بتمنى توضيح اكتر يعني هاج قصدك ؟
اقتباس:
|
الانسان المتحضر ...... كلمة كبيرة .... او المفهوم تبعها مو محدد بالشكل المنطقي والمعقول بالنسبة لأعلى المستويات البشرية .... يعني أكتر انسان متحضر بنظر هالعالم كلو .... ممكن تلاقي فيه جانب متخلف جداً جداً .... الانسان المتحضر ...
|
بمعنى آخر لا يوجد انسان متحضر بالمطلق شي حلو وجميل
على المقياس نفسه هل من الممكن قول لا يوجد انسان متخلف بالمطلق
مجرد تساؤل .
اقتباس:
كاتب النص الأصلي : Rena
. رح احكي عن الانسان العايش بمجتمع عربي ..... هوّي الانسان الي بعاملك ع اساس انك دم ولحم متلك متلو .... وهوي الي بيتناسى يعاملك ع اساس طائفي ديني مذهبي أو حتى حسب بلدك ....أو منطقتك ..... هوي الانسان الي بيعطي من دون ما يفكر ياخد ..... هوي الانسان الي ممكن تتناقش معو ويسمعك للنهاية ..... وبالنهاية الانسان ما بيعرف يحكي عن الانسان المتحضر غير اذا كان هوي من جوا متحضر .....
وبالنهاية كلنا اذا صلبونا رح نتوجع .....فنحنا بشر ....
|
ما بعرف ليش حددت بالمجتمع العربي بعتقد مانه صعب تعمم لأنه الصفات اللي اطلقتها بتنطبق على كافة المجتمعات " طبعا اذا في الك رأي آهر مغاير لرأي "
فبحسب تعريفك الانسان المتحضر :
انسان موضوعي بعاملك على اساس انسانيتك وبيتناسى الجانب الطائفي او العرقي , ما منختلف وهاد شي بيستاهل
بس غريب العطاء من دون مقابل ؟! بدها تروي قبل ما نعتبر الانسان المتحضر هو الانسان المعطاء انا بشوف بالعكس مثلا الانسان المتحضر هو الانسان اللي بيعرف فين يخدم امكانياته ويتعامل بمنطقية " رأي شخصي "
منرجع للرد
الانسان المصغي وبالأخير هو المتحضر من جوا كمان بدها توضيح اكتر شوي .