سيجارة
هيدي خامس سيجارة بحرقها بخمس دقائق
عيوني صارت دوارة فكري ملبك مش رايق
عبفتش على فكرة تيلاقيكي بشي بكرة
اوعى تكوني مفتكرة رح بتغيب الحقائق
بدي اعرف شو عبتحكي ومين اللي شاغل ايديكي
بدي اعرف لون الضحكة اللي عبتضحكها عينيكي
بدي اعرف كل القصة قبل ما اعطيكي الحصة
ما بدي اترك لك فرصة
تنسيني بخمس دقائق !!
شارد عقلي بعتم الغربة وعينيّ صارت مجنونة
خايق ضيع وضيع قلبي وعن دربي تحملني ظنوني
بدي ومش عارف شو بدي
بدي احكي وانت تردي
حدي بدي ضلّي حدي
ما تغيبي بخمس دقائق !!
هيدي خامس سيجارة بحرقها بخمس دقائق
عيوني صارت دوارة فكري ملبك مش رايق
عبفتش على فكرة تيلاقيكي بشي بكرة
اوعى تكوني مفتكرة رح بتغيب الحقائق