[Nay]

كاتب النص الأصلي : Dndoshy

يا شباب..القصد هوي مبدأ المساواة..ثقافة المساواة بين الرجل والمرأة..
مو يعني اذا أنا مع المساواة اني ارفض ساعد امرأة..لأ

مثلا مثلا..يعني أغلب البنات ما بيطلعو بتكسات بسبب انو شوفيرية التكسات بدن ياكلوهن وهني لا حول ولا قوة..
طيب يعني اذا البنت كانت شخصيتها قوية وبتعرف تتعامل مع المواقف يلي بتتعرضلها وقتها ما بتخاف من انها تطلع بتكسي..ومانا بحاجة أخوها أو أبوها ليدافعو عنها ويحموها..

ليش لنكرس مفهوم أنو المرأة مانها من مستوى الرجل وقدراتو..ليش

هيي القصة قصة تربية انو اذا البنت بتتربى انو هيي بنت والها خصوصية بوصفها بنت رح تضل أسيرة لهي الخصوصية كل عمرها..
واذا البنت عندها رغبة تطلع من هي الخصوصية فيها تطلع.. بس في بنات هنن حابين الوضع.. وحابين قصة الضعف والخنوع والنعومة المصطنعة.. والاتكالية بالحياة ..
وبالتالي البنت اللي بتنظر لنفسها على انها شخص مستقل.. وغير متعلق ببطريركية العائلة رح تقدر تتخذ قرارات بحياتها ابتداءا من دراستها مرورا باختيار شريك حياتها وحتى قدرتها على استلام مناصب اواستغلال فرص مهمة بحياتها ..
وغير هيك رح تضل على الهامش.. شخص واقف على جنب.. يمكن شخص حنون وبيربي بس هيي فقط ام أو زوجة او بنت.. بدون ما يكون إالها اسم مستقل..ووجود بمعزل عن الذكور اللي حواليها