السلام عليكم
البارحة مريت بموقف ... المفروض يكون محرج .
. لكن اني منحرجت .
.. معرف ليش
اني ودا اخذ كيس شوربة من المحل سحبت الكيس وقعت كل العلب الموجودة ع الرف
بصراحة صديقاتي خجلو!!! واني ما خجلت... يمكن ماعندي دم
حتى صاحب المحل صار وجهه احمر !!!
المهم من رجعت للبيت فكرت انه ليش اكو ناس تخجل من ابسط موقف وناس ثانين ولا يخجلون
فحبيت اسالكم ... منو منكم يخجل من هاي المواقف الي راح اكتبها ؟؟؟
- اذا انتو تكلمون شخص ومندمجين بالكلام وفجأة تشوفون ان هذا الشخص باله مو معاكم
-ان تكون ماشي وواثق من نفسك وشخص مهم بالنسبة الك ديباوع (يتفرج) عليك من بعيد ..
وانت توقع ..ويشوفك
-ان احد يكلمك وانت بالك بمكان ثاني ومسوي نفسك تسمع وانت مو مركز وفجأة يقلك :ها شنو رايك
- ان تقولين نكتة وتضحكين ومحد يضحك
-يسألكم الاستاذ سؤال في الصف وانتي كنت صافنة
-ان توقعي حاجة من المحل ..لا مو حاجة وحدة حاجااااات ...و الاحلى انها تكون زجاج
-ان ترد على شخص .. تتوقعين انه يكلمك .. ويطلع ديكلم شخص اخر
عار ٌ على زمن الحضارةِ ايُ عار .. قد صار ترويعُ الشعوبِ وسامَ عز ٍ وافتخار
ما أظلمك ياإنسان وما أقساك .. من هالدنيا اش راح تاخذ منها وياك
جيت لوحدك .. ترجع وحدك .. التراب للتراب اش نساك