[minime1967]

كاتب النص الأصلي : أبو عبسي

الشاعلر محمود درويش كام قصيدة كتب عن فلسطين
كام مليون قصيدة سمعنا عن فلسطين؟
كام نشيد حفظنا من صغرنا عن فلسطين؟
كام شعار رددنا و كام مرة شتمنا إسرائيل؟
كام خطاب و كام موقف و كام تنديد و كام و كام
نعم العرب خانوا و العرب ما عملوا اللازم لتحرير فلسطين
نزار قباني قال:
أيا وطني جعلوا منك مسلسل رعب
نتابع أحداثه في المساء
فكيف نراك إذا قطعوا الكهرباء؟
و هاد اللي صار
صار الوطن و صارت فلسطين مجرد دعاية للزعماء العرب " مثلا من الزعماء العرب العاشق من فاسطين "


لك أنا طقيت و انفجرت من صغري " نبوغ مبكر " على قد ماسمعت عن فلسطين أشبعنا حكي
خططنا و خلصنا مين بدو ينفذ بقا تفضلوا لشوف
نحنا ..القاعدين على الأجهزة و الأنترنت صبح و مسا؟

ما حدا عندو مانع .... بس اللي مو طالع بأيدو غير الحكي , شو نعمل فيه ؟ نحطو بغوانتانامو ؟؟؟

أما بالنسبة لكون الشاعر إنهزامي فأنا للأسف برفض هالحكي لأنو الشعر مانو لعبة بإيدينا حتى نحددلوا غايات و أهداف.. الشعر أهم من هيك و أحلى من هيك.
أنا لما أكتب ما بفكر شو بدي وصل للقارئ و شو بدي خليه فكر, القصيدة هي أداة الوصل بينك و بين الآخر و ما بتعرف هالآخر شو بيفهم و شو بحس.
و على فكرة أنا كمان أول مابلشت أكتب كنت عم بكتب عن فلسطين ولكن اكتشفت أنني لا أعبر عن نفسي بل أقوم فقط بصياغة الأفكار المحشوة في رأسي منذ الصغر و إنني لن أكون سوى واحد من العشرات الذين يكتبون لفلسطين,أنا اللي بعمري ما شايف فلسطين بحياتي و ما عانيت فيها ولا واحد بالمية عيب أنا أكتب عنها لأنني سأكون أكبر كذاب ربما عاشق من فلسطين يكون فعلا من فلسطين ,أهذه أحسن طريقة أوجدها للنضال يا أخي العالم و الناس فاقت كلها و ناطرة مين يبلش , و ما حدا عم يتجرأ, بجوز أنت هالواحد و بجوز غيرك بس أنت شوف كيف الكل رح يكونوا ورا هالشخص بس إذا يدأ ..فكفايتنا شعر و قصايد عن فلسطين لأننا بهالحالة عم نضرها أكتر ما نفيدها.

على فكرة الاعلام اللي مسيطر على عقولنا المنغولية هو ورا كل حكينا , أنا أو أنت ,,, حضرتك ممثلا للتوجهات الغربية اللي بتخلينا نفكر حالنا "زدناها" و نحنا بالحقيقة "نسيناها" يعني اللي عندو موضوع متل فلسطين , كان يعمال أكتر بكتير من اللي عملناه وعم نعملو وكان لازم ما يعمل كتير شغلات من اللي عملناها ...

أما أنا فحكيي نوع من البنج الضروري والمدفوع بغريزة البقاء الحيوانية ...




و على فكرة تانية أنا ما بتابع برامج الجزيرة الرياضية و أفلام كرتون زيادة عليي.
و سلام..!