اقتباس:
كاتب النص الأصلي : SelavI
فيروز تعيد لي ذكريات مبعثرة مع كلماتها
وتغمرني حزن بصوتها
اصبحت لا اتجرأ احيانا ان اسمع لفيروز
اشعر وكأنها كانت حكاية قديمة طوى عليها الزمن مع كل صرخة من صرخاتها
... |
ماهوي ياعزيزي الذكريات والاحاسيس الملخبطة يللي بتعيشنا فيها فيروز...
هوي اللي بيسبب الخوف من سماعا...
بس انا وصلت لمرحلة انو كل ماخفت من فيروز كل ماسمعتا اكتر
اقتباس:
كاتب النص الأصلي : fofo besset syria
ههههه لك مو ئلتلك هون من اول ما رديتي 
فيروز صوت بضمنلك يكون نهارك حلو...بيعطيك جرعة رواق بتكفيك لفترة طويلة
صوت بعيش معك الحالة الي انتا عايشا
هاي مسجلتا عندي من بصمات من كلمات زكرني موضوعك فيها بس ما بعرف لمين :
|
المشكلة بفيروز..الي بتخلي الواحد يادمن عليها.. هوي انو كلماتا اللي بترردلي ياهون وقت الفرح بترجع بتقولون بوقت الحزن.. و بوقت التعصيب.. وبوقت الاكتئاب... وبكل مرة المعنى بينقلب... وكل مرة بتحسيا عم تحاكيكي لالك وتخبرك عن اصتك...
اقتباس:
كاتب النص الأصلي : طفوله
فـيروز .. وخــريـف .. وشــط رايــئ باللــيــل .. وئهــوه |
الشط الرايئ والخريف هدول اصة تانية...و وجع بحد زاتون... فكيف ازا ضفنالون فيروز؟؟
اقتباس:
كاتب النص الأصلي : ..AHMAD
قليلة ..
انو قليلة لما مع فيروز المسا يبين كل شي احلى .. كل ما ضب جناحو هالليل منهرب مع العتمة عشباك مليان ذكريات منختصر مستقبلنا بماضي عشناه بحلوو .. بمرّو .. بس بيضلو حلو .
قليلة لما اسمع فيروز المسا.. بتذكر صوت المطر لما ينئر عشباكي وريحتو الي رغم من انها "بلا كحول" لكن كنت اسكر عليها بليالي تشرين الباردة والقمر المتخبي ورا الغيوم .
قليلة لما مع فيروز المسا ... يحضر لبالنا الكستنا المشوية عالصوبية ... يحضر لبالنا أنينة نبيد ... احمرّت خجل من البرد ومن صوت فيروز ... منتذكر شوارع دمشق القديمة ... وياسمينها لما نمر عليها بعيوننّا .. خوفاً من انو نأذيها بايدينا ...
مع فيروز .. والمسا دونما الصبح ... ما بقدر اتذكر الا ايام الطفولة .. ايام الولدنة بالحارة .. الزوايا اللي تخبينا فيها ياما وياما .. من اهلنا .. رفقاتنا .. مستقبل عمينطرنا ... المهم نتخبى .. بطفولتنا
مع فيروز المسا .. ما بقدر اتذكر الا احلامي .. ضحكات ... نسمات نيسان ... فجع مجنون لكل شي... بس مع فيروز المسا .
ومن هون : بليل وشتي صوتن مسموع
رتروت ....
 كبيرة كتير كتير |
احمد ردك زكرني بمقالة امين معلوف تبع ماهي سوريا للسوريين.. مدري ليش...
فيروز ورموزها كلهون...بيخلوك تصفن... وتعرفك عنجد شو معنى حياتنا...
ليش قولتك قليلة فيروز...الضهر... مع نفس الاركيلة...مع كل سحبة بتسحبها ونفس بتطالعو...بتلاقيا عم تصدح بتقلك وتخبرك ع اللي ناقصك...بتمرقلك صور ومقاطع من حياتك... انت كنت نسيانون
ثانكس اغين