[محمد ابراهيم]

كاتب النص الأصلي : leonardo_dicabreo

(2) المدعو يــــاس :

بصفتك مشرف اداري على أساس يعني , بكون في سريّه بمناقشاتك بينك وبين زملاءك المشرفين (بالطّاقم الأشرافي) , مش بتروح بتحكي والله ليوناردو بدّو هيك وهيك لبقيّه الأعضاء , وأنته عارف عن شو بحكي , وأسأل محمّد أبراهيم عن الموضوع.

خليني قلك على شغلة وشغلة وشغلة 3 شغلات
اول شغلة : خلينا نتعامل عالحقائق .
تاني شغلة :كل واحد لازم يكون مسئول عن حكيو ويتحمل نتائجه
تالت شغلة :اذا في مشكلة الك معي لا تدخل حدا ما الو علاقة بالمشكلة معنا .

هلئ شو الئصة ؟
بتقصد ان ياسين خبرني بمناقشة بينو وبين زملائه المشرفين ؟؟ هيك بتقصد ؟
انا رح رد على هالسؤال من منطلق اخلاقي بحت لان مافي منطلق اخر بيفرض عليا اني ارد على سؤالك .

نرجع عال3 شغلات
* اول شغلة

- انا قلتلك كذا كذا كذا (وهاي حقيقة انت اعترفت بها )
- انت زعلت مني واخدت موقف (حقك ) وهاي حقيقة وضحت من ردك هنا
- بعدين جيت تقول ان ياسين خبرني بمناقشة بينو وبين زملائه وهاي كذبة غير حقيقية لان ياسين ماخبرني باي شيئ بينو وبين المشرفين .
* تاني شغلة
- كل واحد لازم يكون مسئول عن حكيو ويتحمل نتائجه .

لو كان حكيي الك مش حقيقي ، انا بلتزم باعتذار الك (بس انت اعترفت انه حقيقي)
هلئ انت اتهمت ياسين بانو خبرني بمناقشة دارت بينه وبين زملائه وهذا غير حقيقي (اخلاقيا انت مدين لياسين باعتذار ) لانك اتهمته اتهام باطل . والله اذا عندك رسالة مني بقول اني خبرتك ان ياس خبرني بمناقشة دارت بينو وبين زملائه ، حطها هون وطلعني كداب ادام العالم ولو مافي عندك ، انت مدين باعتذار لياسين .

* تالت شغلة هي عامة الك ولغيرك
فلنفرض انك انت او غيرك الك مشكلة معي ، ليش تدخل حدا ما الو ذنب او دخل بالمشكلة ، بدي اعرف ؟

يعني بحالتنا هون ، انت الك موقف معي او مشكلة ، تعا حلها معي او وجه حكيك الي ومافي داعي تفوت س وص بالمشكلة وانت بتعرف ان ما الون دخل بالمشكلة . هلئ فلان بدو يضرب محمد ابراهيم اوك يا فلان انت مشكلتك مع محمد ابراهيم ، مافي داعي تفوت ياسين بالئصة لانو ياسين ما عملك شيئ ولا الو علاقة بمشكلتك .

هلئ مثلا في عالم (والحكي هلئ مو الك )الها مصلحة بان المنبر والاخوية يصيرو متل اي منتدى ، مافي حرية ولا تعبير عن الراي وقمع لاراء العالم ، شو يعملو ؟ يعطلو الاشخاص اللي بدها تحافظ على مسيرة الاخوية ،
ممكن هالعالم يراسلوك ويخبروك شي شغلة ومجرد حكي ما الو اي علاقة بالواقع بغرض ضرب س او ص ،
الاشخاص اللي دعمت الاخوية والمنبر في انها تكون على مسيرتها اللي كانت عليها دوما ، وياسين واحد من هالعالم بارادة من اراد ورغما عن من لم يرد .
والمحاولات بتستمر دوما بانهم يدخلو ياسين بمشكلة مع فلان وبدخلو فلان بمشكلة مع ياسين وهكذا .

فاخيرا يعني اللي عندو مشكلة معي لايدخل فيها ياسين او غيرو وانا رح احترمو واللي عندو مشكلة مع ياسين لايدخلني فيها ، هو شخص وانا شخص .
وكل مشكلة قابلة للحل بس مع الاحترام المتبادل والتفاهم وعدم القاء تهم بالباطل .