[Government]

كاتب النص الأصلي : maged-syrian

حسون اليك الاسئلة
يخرب بيتك ع هالاسئلة
شو احسن دولة عربية برايك والله حاليا .. الامارات بصراحة ودبي تحديدا
شو رايك بالسعودية بلد فيا خير .. وكلا خير .. والله مبارك فيا .. وانا بحبا صراحة وبحس فيا روحانية .. وخاصة بالمدينة ومكة .. بس مشكلتا شوي شعبا مش ولا بد واكيد مو الكل .. في ناس خيرين مافي منن
شو رايك بمباديء حزب البعث والله للاسف ولا مرة مطلع عليها لزلك مافيني احكي من عندي
شو رايك بالمقولة الشهيرة أمة عربية واحدة .... ذات رسالة خالدة مممممم .. كنت رددا يوميا بالمدرسة لما كنت بسوريا .. وكان لازم نردد اجباري .. بس انو مالي اي رأي اتجاها يعني مابتعنيلي شي .. وعندي ياها ك عبارة عادية بلفظا بدون معنا
رحت شي مرة عطرطوس او عالساحل بشكل عام واذا رحت شو انطباعاتك
اي مبلا كل سنة بنزل ع طرطوس .. بس مو طرطوس نفسا في منتجع قريب منا اسمو رواد السياحة حلو كتير .. ويعني عليتنا مخلدة فيه .. يعني من شي 15 سنة ولحد اليوم كل سنة منروح عليه وصرنا معروفين كتير وهو حلو كتير .. بس ع طرطوس زاتا مارحت ولا مرة والادقية رحت مرة تعداي بس ماكتير حبيتا
شو رايك بالشام والله بضل عاصمتنا وعاصمة بلدنا .. والعين مابتعلى عن الحاجب .. وحلوة هي الشام بشكل عام
شو رايك بادلب الخضراء اقلب .. انت في ادلب .. انت في عيوننا .. وابنائكم في احضاننا
شو رايك ببيتزا هت ومكدونالدز ومطاعم الوجبات السريعة طيبين صراحة وانا بحبن كتير يعني اكلن طيب وتغيير شكل عن الطيخ ومللو
مين افضل زعيم عربي المعلم تبعنا .. (وبدون تمسيح جوخ)
عندك امل يصير وحدة عربية لا ابدا .. اصلا مابتلزمنا .. هيك مبسوطين وماشي حالنا
شو رايك بالاغاني الاجنبية .. ومين افضل مغني اجنبي مابسمع اجنبي بالمرة ومابعرف مغنيين .. بس بحب غنية التايتنك

بتتابع قنوات mbc2 و one tv وشو رايك الافلام الاجنبية افضل ولا الافلام العربية والله
مو دائما .. يعني بس بحالات الملل والفضاوة والجية ع البال بحضرن .. واكيد بشكل عام الافلام الاجنبية مستواها احلى .. بس كمان الافلام العربية مي بطالة

مين افضل ممثل عربي برايك عادل امام يمكن ..
شو رايك بالعيشة بقطر والله بصراحة الحمدلله بتجنن ومافي منا وروااااااااااق ع الاخير .. ورواق كتير .. وعايشين ومبسوطين ومو ناقصنا شي الحمدلله
شو رايك بلبنان وهل تعتبر اللبنانيين اشقاء ام اعداء ام بين بين لا اكترن اعداء .. زفي نسبة قليلة من بين وبين .. بس ماخرج ينشد فين الضهر
شو رايك بسعدو ... ينعن سعدو برجلي .. والسعادين كلن
شو رايك بسعدو الحريري الله ياخدو .. هو وجنبلاك
شو رايك بحركة 14 اذار ماكتير بهتملا وماكتير بعرف عنا ومابتهمني
شو رايك بفصل الدين عن السياسة بصراحة كنت ضدو من قبل .. بس مع مرور الوقت اكتشفتو انو صح هالميدأ .. وانو مافي مشكلة خلي الدين لحالو والسياسة سياسة .. وبيأيدو بهالوقت صراحة .زماضروري ندخل الدين بكلشي
شو رايك بربط الدين بالسياسة نفس الفكرة اللي فوق .. مارح تختلف الرد عليها
شو رايك بجنس حوا .... وهل انت من مناصري المقولة الشهيرة((حطوا حوا وابليس بكيس ... طلع ابليس من الكيس عم يستغيس ))! لا ولو يازلمة ليش في بعد جنس حوا والنس الناعم .. لك الدني شو بلا جنس حوا .. دنيا فاضية ومابتسوى شي دخيل عينن انا
شو رايك باللغة الانجليزية ... وهل بتايد المقولة ان اللغة الانجليزية لغة عالمية ! اي المقولة صح .. بس انا وبسبب فشلي بهالغة .. وسقوطي فيا .. تولد كره بقلبي اتجاها وناحيتا
شو هيي انطباعاتك عن القمة العربية القادمة بدمشق متلا متل غيرا مارح تقدم ولا تأخر .. تسالي بس وحكي فاضي
شو هيي انطباعاتك عن الانتخابات الامريكية القادمة ومين حيفوز بالانتخابات والله مابتهمني .. بس جاي ع بالي تفوز هيلاري كلينتون لشوف المرة شو بتعمل لو صارت رئيسة امريكا
شو رايك بالعولمة ! ماكتير عندي توسع وقراي بالعولمة فمافييني اعطي رأيي فيا
شو رايك بالشيوعية نفس الشي . بس انو كمان حرية شخصية .. وبيني وبينك اريح
ومين افضل الشيوعية ولا الرأسمالية! ماعندي فكرة ومعلومات عن التنتين زيادة فمافين اختار
شو رائيك بالجبهة التقدمية شو هي الله
شو انطباعاتك عن انجازات الحركة التصحيحية ((هاي دقني اذا بخليك ترجع عالبلد)) مابعرف ماحضرتا ولا عرفان شو صاير فيا لحدا الان تصدق بس انو بسمع عنا سمع الحركة التصحيحية المجيدة .. واحلى حركة تصحيخية .. واحلى تصحيح و500 محروقة لعيون الحركة التصحيحية
شو رايك بالدوري السوري ((في أمل )) يوووووووووووه .. دورينا اخ من دورينا .. دورينا رائع وممتاز .. عنا خامات ولعيبة رائعين .. عنا لعيبة وعنا مدربين وعنا عقليات .. عنا ناس وجماهير عاشقة للطابة .. دورينا ممتاز وفي يكون الاول ع العرب كلن .. بس هالشي مابصير غير ليطيرو هقيادات الرياضية الكبيرة امثال الجبان .. والتاني مدري شو كان اسمو نسبت .. هدول كلن لازم يطيرو ويجيبوا ناس جداد .. ويقضو ع الفساد تماما .. ويجبو عقليات رياضية جديدة .. وطبعا يخصصو ميزانيات شوي زيادة للرياضة وللدوري .. وطبعا لازم يعملو قانون يقضي بأعانات مادية تكون كبيرة شوي لكل نادي سوري بالدرجة الاولى وةالدرجة التانية حتى .. لكل هالنوادي .. وتتعدل كزا شغلة بالقانون تبع الاتحاد السوري وخاصة بخصوص المحترفين .. تعديلات صغيرة .. ومتل ماقلتلك شوية اعانات مادية لاندية الدرجة الوالى والدرجة التانية .. وتزبيط هالقوانين .. وبتر الفساد وخاصة بالرياضة .. وتزبيط اوضاع الحكام .. واعطاء والرفع من شأن اللاعبين شوي .. وشوي اهتمام صغيرة زيادة ..
وهي دقني ازا بظرف سنة ما صار دورينا احسن من الدوري الاسباني والانجليزي زاتو واجا رونالدينيهو بزات نفسو يترجا نادي عفرين مشان يلعبو معو .. لانو عنا خامات وعنا لعيبة وعنا جماهر .. بس لو يطبق عليها هاحكي شوي .ز ويصحلا للي بصح للاعبين وللرياضيين بالخليج .. لتقوم الدني وتقعدا ..
شو رايك هل حنتأهل على كأس العالم
مابظن مدام كابريني مارح يستلم .. مابظن انو رح يصير شي .. متل كل مرة ممكن نتأهل للدور التاني بس هون حدنا
شو رايك بالاكراد
والله عادي ناس عاديين بياكلو وبيشربوا وبيتنفسوا .. وبقومو بالواظئف الحيوية والجنسية اللي بمنقوم فيا نحن العرب .. وبناتن بطات ع فكرة وبيجننو الكرديات شغلة

حاج بيكفي مشان صحتك
وسلامتكم

هلكتني
وقلتلك اليوم شو رح اعمل فيك ع الماسنجر ماهيك