هاي لكل الاعضاء
الصراحه فيه كلام اتقال معجبنيش ، انا من كنيسه القديسين مارمرقس والبابا بطرس اللي كان فيها ابشع احداث اعتداء ادت لوفاه شخص واصابه العديدين ده غير حالات الانهيار العصبي اللي كانت بين الكبار والصغيرين
حاسه ان بعض الاعضاء مش حاسين بصعوبه الموقف يعني ايه ناس طالعه من الكنيسه ومن صلاه يحصل فيها اللي حصل اللي يتدبح واللي يتصاب الموقف بشع صدقوني ....... اشكروا ربنا انكوا مشفتهوش علي الطبيعه لكن تقدروا تشوفوا صور ( لو عايزين صور ممكن تقولولي واعرضها عليكم)
اما بالنسبه لموضوع انه مختل عقليا فالموضوع ده صعب تحديده .....
* هو اكيد مجنون لان محدش يعمل كده في ناس مسببلهوش اي اذي فممكن نقول ان حد مأثر عليه او انه مثلا معموله غسيل مخ ..
*ونرجع برضو نقول ازاي مجنون ويعرف السكه من كنيسه للتانيه ، ويعرف مواعيد الصلاه في كل كنيسه (معاد خروج القداس الاول والتاني .!!!)
انا كل لما بفكر في الموضوع ده اعصابي بتتعب .. اسئله كتير ملهاش اجابه وردود فعل قمه في الاستهزاء والسخريه ( مش مكفيهم اللي حصل كمان بيتريقوا)
