[sandra]

كلام واقعي أبو سارة

بس أنا ما بقدر كتير افهم ليش لنقنع أنفسنا طالما إذا قدرنا نبذل شوية مجهود او اكتر، منصل لهدفنا ومنحسن حالنا أكتر

هلا ممكن ينطبق هالمثل لما منشوف شخص عم يبذل كل جهدو مثلا لتحسين حالو بس بدون أي نتيجة بسبب عوائق تانية أكبر بكتير منو ,,, فمنشان ما ينصاب باليأس والأحباط منقول هالمثل

هالمثل يمكن يطبق عالناحية المالية يعني لما العامل الكادح بدو يحلم أنو يصير غني وشو بيعرفني وهو ما عندو هالامكانية فجهوده ستمنى بالفشل الذر يع فرح يصير معو احباط فالأفضل يرضى ويقتنع
لان الحاجات التي يريد الإنسان الحصول عليها في ازدياد ، كما ان قيمة العملة التي يستطيع بها ان يوفر حاجاته في تراجع مستمر ، أليس من المناسب له ان يقنع ؟ وان يتوصل الى حقيقة مفادها ان العين بصيرة واليد قصيرة
أما من ناحية طلب العلم والمعرفة فما ممكن القناعة بالعلم لان الإنسان مهما طلب ومهما تعلم بيضل لازم يتقدم أكتر بمعرفتو لأن ما في حدود بالعلم

كتار ممكن عم يقول أنو القناعة والطموح ما بيتعارضوا مع إنو في مثل عند الاميركان بيقول (القناعة هي مقبرة الطموح)
طيب إذا كان القناعة والطموح ما بيتعارضوا فكيف ممكن التوفيق بيناتهم مشان ما تكون القناعة مقبرة الطموح