اقتباس:
|
لا يوه ليش لحتى ازعل ... لا بكل بساطة بقلك كمان ما عندي هالاطلاع الواسع و هالفكرة العميقة عن هالموضوع لا من قريب ولا من بعيد .... و اذا بدك الصراحة النظام الراسمالي انا بفهمو على قد حالي ... يعني انو هو عبارة عن عالم بايدها المليارات و عالم عم تموت من الجوع ... و الغني عم يزيد مصرياتو و الفقير ما عم يلحق يعمل شي ف بيموت من الجوع هالمسكين...اكتر من هيك ما بعرف ...
|
أي مزبوط.. و النظام الرأسمالي ما عندو استعداد يدفعلك قيمة علاج كيماوي ازا محتاجو.. رغم انك دفّيع ضرايب.. لكنو مستعد يبذل المليارات الكثيرة (من جيبك) في سبيل ينقذ بنك دخل بأزمة... نتيجة جشعو
اقتباس:
انا ذكرت هالشي كمثال بسيط عن الفروق المادية بس يظهر المثال خاطئ...بسيطة منحط بدل الاستاذ شي واحد عاطل عن العمل و يا دول اخد شهادة التعليم الاساسي... فرق منيح بيجوز ما هيك...اذا ما عجبك المثال سيدي بلاه الغيه من اساسو و اعتبرو كانو لم يكن
|
الفروق المادية بديهية و طبيعية.. و الغاءها تماما هو هذيان.. الفرد و الانسان هو مفهوم مستقل..
لكن هالأمر لا علاقة له بالرأسمالية... بالرأسمالية انت تدرس و تتكسر.. لتصير دكتور... و انت ولا شي مقابل واحد ما بيعرف يفك الخط لكن عندو مصاري ليشتري مستشفى و يستعبدك فيه
اقتباس:
|
طيب باليسار اللي عم تحكي عنو في ضمان صحي ؟؟ معناها الضمان الصحي شي فاشل و مخسر للدولة ..
|
الضمان الصحي مانو تجرة.. الدولة ما تكسب منو مصاري, بالعكس يكلف.. بس شو بدك احسن من هالكلفة؟ ازا ما صرفت ع صحة مواطنيها ع شو بدها تصرف؟ ع صحة البنوك؟؟
و طبعا مانو شي فاشل أبدا..بالعكس... أساس من أساسيات المجتمع, اللي بحكي عنو
و ازا شي منيح للمجتمع و منيح للمواطن.. ستين جهنم تخسر الدولة..الدولة مانا شركة لحتى بدوّر ورا المربح.. المصاري اللي تحطهون ع الضمان الصحي تطالعون من غير مطرح و خلص
اقتباس:
ما بدي قول لحدا ولا حدا يقلي شي... انا عم احكي حكي بس ... و هاد راي شخصي يعني لا رح يقدم و لا رح ياخر و لا رح يعمل ثورة لا سمح الله ...
بس برجع بقلك انا بيجوز مضيع الـ دونكي تبعيت خالتي ها و ماني عرفان وين الله حاطتني
تحياتي
|
حقك علي.. انو ازا أنا فاتح موضوع.. اشرحو.. و يسعدني انو موضوعي, خلاك تفكر و تناقش فيه, بالعكس لازم اشكرك ع هالشي
بس انو ضعت شوي و ما عرفت بالزبط وين مربط الفرس