[Nihal Atsiz]

كاتب النص الأصلي : قرصان الأدرياتيك

بحبّ وضحلك شغلة يا أخ عطر سورية...

أيام الأحداث في الجزيرة أنا كنت هونيك... وكل شي عم يحكوه الأكراد كذب بكذب، ولمّا بتتطلّع على شعب محضّر انقلاب بعيد النوروز شو بدّك من الدّولة تعمل؟ تتفرّج وتضحك! أكيد لأ...

والأنكى من كل هاد أنّو ببلدة "عامودة" يللي 100 بالـ 100 أكراد راحوا حرقوا مؤسسات الدولة... ما يا أغبيا هالمؤسسات ألكن وعم تخدمكن... وعلى فكرة بهالبلدة فقط تمّ حرق العلم السّوري واندعس عليه مرّات... وانرفع علم كردستان على المخفر لأربع وعشرين ساعة... وفي بلدة المالكيّة "ديريك" حرقوا تمثال الرّئيس المرحوم... وكسروا رأس التمثال...

بكل الأحوال ما بدّي نفوت بقصص وأخبار... أكراد الجزيرة مستلمين المحافظة من بابها لمحرابها، ومتل ما تفضل الصديق كازانوفا وقال أنّو عم يتعلموا ويستلموا مناصب وحتّى بالمحافظة والتجنيد والشّرطة... إلخ! والثّقافة حاليّاً "بالجزيرة" بإيد الأكراد، أغلب الكتاب والرسامين هن أكراد...

فالله يرضى عليك لا تطالعهن شعب مضطهد وسورية هاضمة حقن ومن هالحكي اللي ملينا من كتر ما سمعناه... وبدّي قلّك آخر كلمة قبل ما أختم حول الأكراد غير المجنّسين (وعم أحكي بالجزيرة حيث الغالبيّة الكرديّة):
أنت بتعرف أدّي عم يعبر الحدود من تركيّا والعراق لسورية من الأكراد؟ وأدّي عبر بالزمانات...
فعلى أي أساس هاد عم يطالب بجنسية سوريّة؟!
إذا ما كنت تعرف بسيطة بنصحك تعيش كام سنة بالمناطق الشمالية الشرقية بلكي تكتشف شي من الحقيقة.
.

أستاذي المحترم أنا بتفق معك انو الأكراد أحيانا ببالغوا وبعملوا من الحبة قبة, لكن أنو نقول هن غير مضطهدين!!
لا هون بدك تسمحلي, مضطهدين ونص, يا أخي بحلب لوحدا في 14 مدرسة أرمنية ومدري كم مدرسة سريانية مقابل ولا مدرسة كردية مع أنو مجموع السريان والأرمن في حلب لا يصل الى عشر عدد الأكراد, ولا تقلي عن أساتذة عم يعلموا اللغة الكردية , أنا عم أسألك هل يوجد مدرسة كردية على غرار المدارس السريانية والأرمنية؟
وبالنسبة للقسم من الأكراد اللي عم يعملوا أحداث شغب بأعيادن من حرق للعلم السوري والمؤسسات ورفع أعلام كردستان أنا بأكدلك أنو غالبية هدول هن من منظمة بكاكا التي تقود قتالا مسلحا ضد الجيش التركي واللي كانوا مدعومين ومحميين من قبل*حافظ الأسد, أي نعم حافظ الأسد هو اللي ربى اوجلان والانفصاليين ليكونوا ورقة بايدو ضد تركيا والظاهر أنو هلئ أنو السحر انقلب على الساحر.