[Danito]

أي شو هالدراسة ! عن جد حلوة و معبرة و بحب ضيف عليها:
- 95% من المواطنين "فصفصوا بذورهم الثورية من الجوع و الملل" (نقلاً عن محمد الماغوط) و الـ 5% الباقية أثمرت بذورهم الثورية مزارع و فلل و وكالات و عمارات .. لأنهم عرفوا يزرعوها بالتربة المناسبة و سقوها بكثير من النشادر و أضافوا كثيرا من البراز (سماد طبيعي) و لهذا السبب فاحت ريحة الثمار مو لأنها من مصادر شرعية لا سمح الله.

- الأمن القومي = أمن 2% من السكان بس لأهميتهم الشديدة فهن القوم كله..
- الأمن الوطني = أمن 3% من السكان لأنهم بلعوا الوطن بما فيه يعني الوطن جواتهم طول الوقت
- المصلحة العامة = ما حدا ألو مصلحة فيها ! ليش؟ لأنها عامة يعني مباحة للجميع ، يعني مين ما كان فيه يغتصبها .. عامة!
- 100% من المواطنين أحرار = أحرار يا بيخرسوا يا بياكلوا خـ... يا أما بإمكانون يعملون الشغلتين معاً
- 13% من المواطنين عندهم أمل .. البقية عندهم سعاد و حسنية و لطيفة و حنان....................ز
- 99.9% خونة و عملاء و ما عندهم ضمير و بدهون مصلحتهم الخاصة بينما 0.1% أوفياء و بدون يلعنوا سلاف أبو جد الحثالة الخائنة الكلبة الحقيرة اللي إذا غابت عين الأمن عنها لحظة بدها تعمل كلشي شرير بالعالم و بناءً عليه فإن الـ 0.1% هي القائدة للدولة و المجتمع و المدافعة عن كل الحقوق المهدورة من فيتنام لنيكارغوا مروراً بكوبا
- 88% من الشعب جحش و حمار و ما بيفهم غير يعبي كرشوا و يتجوز و يكب ولاد بالشارع، 6% فهمان و بيطلع الزير من البير و هو اللي بدوا يفهم هالشعب البجم كيف يعيش مثل العالم و بدوا يعلموا الديمقراطية و الحرية "على مراحل" بسبب الخصوصية السورية و شغلات ما بيفهم فيها الـ 88% أما الـ 6% الأخيرة .. رفضت الإجابة على السؤال
- 3% ممكن الجهات الأمنية (الحريصة على الأمن القومي و الوطني أعلاه) بتمرق هالدراسة على خير إما لأنها متسامحة أو لضرورات المرحلة أو لأنوا ما قرتها للمشاركة بالأصل، 15% عم تحوص و تلوص لتعرف مين أنا و لتلعن سلسبيل أجدادي و تجتثني من المجتمع كوني بنتمي لطبقة الحثالة الخائنة و بدا تريح البلد مني ، 82% وقتي ما أجى لسا و غالباً ما رح تقفع معي شي مرة و أحكي اللي من احكى و ساعتها لكل حادث حديث .. و رح يخلوني حديث الساعة بس طز ما هاممني :P :P :P :P طقوا موتوا و ما هممنى شو ما صار لأنو أكثر من القرد ما مسخ الله