[wave]

................................اصول استخدام لمعة واضاءة المكياج بالصور


اللمعه : البعض يسميها شذرات او فليب فلوب او سوفت فوكس . المهم هي عباره عن ذرات صغيره للغايه تعكس الضوء وبالغالب مستخلصه من المعادن . ومهمتها توزيع الضوء وعكسه . طبعا يتغير لونها بتغير الضوء ، يعني في ضوء معين تبين زرقاء ، واحيانا صفراء واحيانا ذهبيه ........ الخ ويسمى درجة التقزح. وكل ماكان المنتج له أكثر من انعكاس كان أفضل ولمعته أقوى .الحين بذكرلكم اللمعات الموجوده بالسوق وبالشكل التجاري



من ماك تسمى : بيجمنت .

من فور ايفر تسمى : ستار باودر

من كريولاين : ساتين باودر .

وطبعا متوفره بجميع الماركات من أشهرها ايضا اتيلر ، شارمل ، برجوا . جيرلان....... الخ متوفره بكل الماركات باسامي متعدده .
نجي لمميزات كل ماركه .

فور أيفر : لمعه قويه ولها اكثر من انعكاس بلون شير ( خفيف) يعني التقزح قوي .



ايضا فيه الدايموند باودر ، والجليتر ، هذول تصنيفهم ثاني تقريبا بالرغم ان المنتج يدخل ضمنه حبيبات الجليتر بس بذرات متناهية الصغر لذلك بحطلكم صورة الدايموند لاني احب ادمجه معهم



ماك : جيد بس كلون أقوى واكثر وضوح لكن درجة التقزح واللمعه أخف من فور ايفر . يعني اللي تدور لمعه قويه فور ايفر انسب شي ، واللي تدور لون قوي راح يناسبها ماك .



ركزوا شلون اللون واضح .

كريولاين : عندهم نوعين بنفس المنتج ، نوع لمعته اخف من فور ايفر وماك ايضا ، ونوع لونه أقوى من ماك وفور ايفر اقرب للشادو السائب . بس كلمعه اخف من ماك .


اتيلر: اللي يمزه حبيباته كبيره نسبيا يجمع بين فور ايفر وماك . شخصيا ماحبه كثير لكنه جيد وغير متوفر بالسعوديه .
ملاحظه : ممكن ندرج هاللمنتج ضمن اللوس شادو ( الظل السائب ) بس يظل لونه أخف من الظل المضغوط يعني مهما كان لون يظل شير ، ماعدا اللي يجي مطفي هذا يعتبر ظل سائب 100%


عموما لاتشغلون بالكم بالتصنيفات ، اهم شي الاستخدام

1ـ تستخدم كظل عادي ، وبالذات كلمعه في عظمة الحاجب . وبتعطيك لون شير ( شبه شفاف ) ومجرد انعكاس .



وافضل طريقه لمده انك تستخدمين فرشة الظلال الفاتحه ، S10 من فور ايفر ، او اسفنجة الظلال . انا احب الفرشه أكثر بالذات لعظمة الحاجب . وتقدرين تستخدمين اصبعك ايضا .

وايضا ممكن تستخدمينها فوق الظل المضغوط ، عشان يعطي لمعه وانعكاس آخر للون .



وومكن تلعبين بالألوان ، يعني ظل بني تحطين فوقه بيجمنت زيتي أو ذهبي ........ إلخ .


2ـ يستخدم مع الكحل .




ويكون ناجح أكثر مع الكحل الكريمي مثل اللي بالصوره . .



وتقدرين تمدين الكحل على كامل الجفن مثلا (كأنك تصلحين سموكي ) وتحطين البيجمنت فوقه ، بيعطي اللون قوه .



وأيضا ممكن تكحلين عينك عادي ترسمين خط وبفرشه دقيقه تنثرين البيجمن فوقه، فاهمين علي يعني ترسمين خط على خط الكحل ، بيعطيك انعكاس لون غير .



وايضا ممكن تحت خط الكحل ترسمين خط ببجمنت فاتح على سبيل المثال الفانيليا ، بيخلي كحلك مرسوم رسم ونظيف ، هذا بالاضافه الى انه يستخدم لما ترسمين ظلال مفتوحه ، تحطين اللمعه عالفتحه او على مدمع العين ، بتوحي ان عينك أكثر اتساع.




3ـ يستخدم بنثره على الشعر ، انا شاوفه عالشعر الاسود بشع يمكن تكون الألوان الزرقاء والموف لايقه بس اشوفها تطلع كأنها قشره بالراس ، لايقه أكثر عالشعر الاشقر . والملون .




4ـ أيضا يستخدم مع جيل الشعر . سواء تجعيد او تلفيف



5ـ يخلط مع البيس ، او الكريم المرطب او الواقي الشمسي .



6ـ تخلطينه مع كريم الأساس وتراعين اللون اللي يناسبك . ويطلع اطلق أساس لميع .



7ـ تستخدمينه لحاله على عظمة الخدود وارنبة الانف والذقن



ـ يستخدم على الشفايف .



مع الروج : تحطين الروج ، وتحطين البيجمنت وسط الشفايف ممكن يعطيك مظهر متجلد ويوحي بكبر الشفايف .

مع الجلوس : تخليطنه معه يعطيك لون خفيف وايضا لمعه ( فروزن ) مظهر متجلد .

وافضل شي تستخدمينه مع منتج مثل جلوس متعدد الاستخدامات ، تقدرين تحطينه على خدودك او شفايفك او شعرك . اللي تبينه انت واختراعاتك .




9ـ وختامها مسك ، انهي ماكياجك بمثبت الماكياج اللميع من صنعك ، اخلطي اللمعه اللي تبينها باللون اللي تبينه ، انا احب اخلط كذا لون . ولو خايفه تفسدين المثبت ، اخلطي كميه من مثبت الماكياج مع البجمنت في مرش ضخه عالي وجربيه ، بيعطيك لمعه وبيثبت ماكياجك .

وعلى فكره تقدرين تبخينه على شعرك هو للجسم والشعر ايضا