بالنسبة لسؤال يمان وسيلافي
التربية الجنسية ليست عملية عشوائية وعبارة عن مجرد اعطاء معلومات
هي أيضاً عملية تهذيب وتشكيل سلوك سليم من الناحية الجنسية
لما منقول تهذيب وتربية فهاد بيعني وجود ضوابط حتى الحرية المعطاة للطفل بتكون مضبوطة وتحت انتباه الأبوين
اقتباس:
كاتب النص الأصلي : يمان Rooooonaldo
يعني هلا لو فرضيا .. وقت بيسال قلنالو انو الولد .. بيطلع .. عن طريق البطن من الام .. كيف عن طريق فتحة صغيرة .. بيطلع منا الولد .. مثلا لو قلنالو انو الصرة هية الفتحة .. مثلا .. لح يشوفا ويقتنع مبدئيا مثلا ..
وبعد عمر ما معين .. ممكن يفهم كلشي لحالو .. ويصير اوعى من طلب هيك شي .. ويجيه عليه رفض .. بسنو الصغيرة .. شو رايك ؟
|
ممكن يتم من خلال رسوم توضيحية ... ممكن الاستفادة من فيلم فيديو لولادة الحيوانات أو من صور كرتونية (بالمناسبة شفت بإحدى المكتبات بفرنسا كتاب خاص للولاد عن موضوع الولادة مع رسوم توضيحية مدروسة بعناية )
الطفل بالقدر يلي هو ذكي بيضل طفل ، أهم شي بالإجابة ما نحسسو سؤالو عيب أو نتلبك أدامو وما نكذب عليه
بالنسبة لموضوع الحاحو واصرارو بشكل مبالغ على مشاهدة الفتحة عند الأم فالجواب ممكن يكون بكل بساطة : الفتحة ما بتظهر بشكل واضح إلا وقت الولادة
وهيك الطفل بيعرف أنو ما فيو يشوفا
لكن متل ما ذكرنا التربية الجنسية فيها ضوابط ولازم تكون متكاملة
بالوقت يلي عم اعطي الطفل الحرية بالسؤال ... كمان بدو يكون في ضوابط لسلوكو
رح اتوسع بهالنقطة بالجواب على سؤال سيلافي
اقتباس:
|
عندي سؤال .. لو سال كيف بيصير الحمل .. شو بكون الجواب .. ؟
|
بتبدا الأم باحضار كتاب بيحكي عن تطور الجنين ووين بيكون موجود وكيف بيكبر
لما بيسأل كيف صار هالولد من الأساس ببطن الأم بتقدر تقول في جزء من الأب بيعطيه للأم وبيصير الحمل
لما بيسأل أكتر كيف هالجزء الأب بيعطيه للأم ... هون ما رح نكذب لكن بنفس الوقت بكير شوي نشرحلو بشكل كامل ... وممكن يلجأ الأهل للحيلة ... مثلاً لما بتكير وبتروح عالمدرسة لحالك بتعرف لهيك لازم تاكل منيح مشان تكبر 
وهون ما في خوف من تأجيل السؤال لأن بعد هالمرحلة ... الطفل بيمر بمرحلة الكمون وبتتغير طبيعة اسألتو الجنسية لتصير تشمل نواحي علمية حول نمو الجنين وهيك قصص
لنصل لمرحلة المراهقة ...بمرحلة المراهقة طبعاً بتستمر التربية الجنسية ورح نحكي عنها لاحقاً بعد ما نستوفي مرحلة الطفولة بشكل كامل
اقتباس:
كاتب النص الأصلي : SelavI
لو فرضنا ان في العائلة طفلين
صبي وولد
عندما يقوم كلا من الاب والام بالاجابة عن اسئلة الطفلين بشكل صحيح
وايضا يتطرقون الى شرح ان الذكر مختلف عن الانثى
.
|
بعتقد قصدك تقول صبي وبنت 
اقتباس:
يصبح لدى الولد والبنت رغبة شديدة في التعرف على بعضهم خاصة انهم اطفال ولا يعون ما يفعلون
حيث يشعرون ان ذلك شئ عادي جدا واننا نحن من منحناهم الثقة والجرئة بالسؤال وان الامر شئ عادي
وربما يتطور الموضوع الى حب استكشاف الجنس الاخر
|
التربية الجنسية متل ما قلت عملية متكاملة
بقدر مو مهم اعطاء حرية للطفل ، بالمقابل من المهم جداً وضع ضوابط لسلوك الطفل ... طبعاً مع الابتعاد عن طرق التعنيف والعيب والحرام
من الضروري إفهام الطفل بأن اكتشاف الذات الجسمية بيتم من خلال ذاتو هو ومش من ذات الآخرين وأن الأعضاء الجنسية هي شيء خاص بك وأعضاء الآخرين هي شيئ خاص فيهم
اقتباس:
يعني الطفل بشكل عفوي يبدأ يريد ان يستكشف الطفلة
وذلك شئ خطير سيأثر بشكل كبير جدا بالمستقبل في حياة الطفلين ان حصل
وتقبل فكرة الاخ والاخت (الاخوة)
ستصبح بينهم حواجز كبيرة في المستقبل عندما يدركون ما حصل وتأثر عليهم بشكل كبير نفسيا
|
وارد جداً هالكلام لما بتم عملية اكتشاف ذات الآخر الجسمية بعمر بيتجاوز ال 3 سنوات
علماء النفس والتحليل النفسي بيقولو أن متوسط عمر التذكر هو بعد ال 3 سنوات ونصف
ومرحلة العبث بالأعضاء الجنسية والرغبة بمعرفة الفروق بين الجنسين بتبدا بعمر السنتين ... يعني عملياً تحت متوسط سن التذكر
اقتباس:
شو الحل, وكيف نمنع حصول ذلك بطريقة واقعية تربوية وليس عن طريق القول ذلك عيب
|
لما بتم تربية جنسية سليمة للطفل ومنقدر نروي فضوله بالإجابة عن تساؤلاتو وبنفس الوقت نفهموا بأن هالأعضاء شيء خاص .... فهو رح يستغني عن مشاهدة أعضاء الآخرين
متل مانك شايف التربية الجنسية متكاملة ... لازم تستوفي كل الأطراف والنواحي
هلا في حال صار وبعد عمر ال 3 سنين ونصف (متوسط سن التذكر) وحصل كشف عن اعضاء الأخ أو الأخت بدافع الفضول .. من الضروري ما تحصل من الأهل ردة فعل سلبية جداً تنمي عندهم عقدة الذنب والعار
بالعكس نورت سيلافي
اقتباس:
ثانكيو مرة تانية .. ام السوس 
|
ميرسي الك انت يمان
بكرا (طبعاً حسب التوقيت المحلي يعني ما بعرف ايمتى بالزبط  ) رح نزل مقاطع من كتيب مع الصور بيشرح عن مراحل النمو الجنسي للطفل بطريقة حلوة كتير
// وأنّ حضورك في دمي مسكُ الختام //
آخر تعديل sandra يوم 25/10/2008 في 03:20.
السبب: خطأ إملائي
|