[samsoum]

كاتب النص الأصلي : ASH

يا اختي شي طبيعي تكون سيطرة عليهم اللغه العبريه ، يعني كمثال العربي يلي عم يطلع يعيش باسبنا بعد كم سنه لح يحكي اسباني ولما يتزوج ولادو لح يحكو اسباني بطلاقه ، بينما اللغه العربيه لح تكون مكسره و يمكن ما يتعملوها كمان ....

خلص هاد بيسمو التطبيع و عرب ال 48 اطبعو بهل شي و الشي مو بايدهم لانو كل جوانب الحياة عندهم بتستخدم العبريه كلغا اساسيه و هنه مظرطين يوكبو هل شي

مرحبا معلم
بفهم من هالكلام انو بعد شي خمسين سنة تانيات رح تنقرض اللغة العربية في فلسطين..؟؟ وطبعا هاد احد احلام الاسرائيليين واكيد الاخت مروى اكتر وحدة بتعرف هالشي.. وبترفضه
اللي بيعيش باسبانيا، صحيح بيتعلم اللغة الاسبانية، ولازم يتعلمها اصلا، بس اذا نسي لغته الام بتكون المشكلة عندو، مو عند الاسبان ،واذا هو ماعلم ولاده لغتهم الام كمان بيكون بسببه هو،يعني مافي مجال هون للمقارنة بين اللي عايش خارج بلده وبين فلسطينيي 48 على الاطلاق ،لأنو هون الاسرائيليين هني اللي بيتمنو مايبقى شي اسمو عربي بفلسطين، وقيام اسرائيل اصلا كان على حساب محو مدن وقرى فلسطينية بكاملها..ولو قدرو يمحو الباقي ماكانو قصرو.. واسمحلي قلك من خلال تجربتي الشخصية، بحكم اني عايش بدولة اجنبية من مدة طويلة، فيني قلك اني شفت الاولاد اللي مولودين هون وبيحكو عربي احسن من سكان الدول العربية، وكمان اولاد مابيعرفو يقولو اسمهم متل الخلق..
باختصار.. هيك موضوع مو ممكن ينفرض بالقوة ولا بأي شكل.. وعندك كمان اكبر مثال الجولان.. ومن ايمتى اسرائيل عم تحاول تفرض عالسكان الهوية الاسرائيلية وهني رافضين، برغم كل المضايقات والصعوبات.. والاتراك اللي حكمونا 400 سنة ماقدرو يخلونا نحكي تركي.. والاسبان اللي حكمناهم 800 سنة مانسيو اللغة الاسبانية وصارو يحكو عربي
ياريت ماتكون روحنا استسلامية بهالسهولة
وتحياتي الك