[قلب المثنى]

كاتب النص الأصلي : عبورة

يعني يا ريت ما حدا يبلش بالكلام الكبير و يلي في إساءة للأعضاء التانيين شو ما كان دينهن
و متل ما قالت الأخت السورية المشتاقة الإسلام كرم المرأة لإنو معتبرها متل الألماس و أغلى و لازم نغطي الألماس لإنو غالي و ما بصير مين ما كان يشوفو و مو مين ما كان بيشتري و بياخدو و بعدين لو بترجعو لقبل الإسلام (يعني عصر الجاهلية) بتلاقي إنو المرأة كانت تتعامل أسوأ معاملة ما بكفي وأد البنات و مشان هيك الوحدة منا بتكون مفتخرة بحالها لما تقول إنها مسلمة و خصوصي إذا كانت متحجبة

والله ياعبورة الكلام إلي كنت بدي أحكيه سبقتيني عليه برافو عليكي
المرأة عندنا مثل الجوهرة ولازم تحافظ على حالها وماتكون عرضة للشباب الصايعين اللي ببيعوا ويشتروا بأعراض الناس
والمرأة المحجبة مامعناها إنها منعزلة عن العالم والمحيط باالعكس عم تمارس حقوقها مثلها متل غيرها ولما الإسلام فرض الحجاب على المرأة ماكان بدافع التسلية أو لحجز حرية المرأة وإنما جاء الإسلام بالحجاب ليكون رفعة ورمز للمرأة تفتخر به
والحجاب ليس فقط غطاء للشعر وإنما لكل مفاتن المرأة حتى تبقى في نظر الرجل الجوهرة الثمينة التي من المستحيل الحصول عليها إلا بالحلال

ورد على كلام الأخ اللي عم قول عقل الشب الغربي ويقارن بين الشب المسلم والغربي بقول شومكانة المرأة لدى الرجل الغربي ؟؟؟
صحيح المرأة الغربية حصلت على كل شي بدياه بالمجتمع الغربي بس خسرت ذاتها
خسرت مكانتها داخل الرجل
هل حالات التفكك الأسري بالغرب من الحضارة ؟؟؟؟؟؟؟؟؟؟؟؟؟؟!!!!!!!
هل حالات الإغتصاب المتكررة بالغرب حضارة؟؟؟؟؟؟؟؟؟؟
هل مظاهر تشرد الفتيات بشوارع الغرب من الحضارة؟؟؟؟؟؟
هل من الحضارة أن تبيع الفتاة نفسها من أجل المعيشة؟؟؟؟؟؟