اقتباس:
كاتب النص الأصلي : المطارد رقم 1
ممكن توضحلي كيف حماس رجعتنا لورى مليون سنة
يعني بعملياتها الاستشهادية والبطولية وصواريخها برأيك رجعتنا لورى
مقاومة المحتل وإعوانه المستعربين بالك رجعتنا لورى
عدم اعترافها باسرائيل اللي لهلق بتحارب عليه من كل دول العالم كمان برايك رحعتنا
معقول أول حكومة تمزج بين العمل السياسي والحكم والمقاومة رحعتنا لورى
لكن بشو نتقدم ومين اللي قدمنا ورفع راسنا بالعالي ؟؟ العرب ولا الحكام
بس كلمة وحدة احنا بنفتخر فيها رفعت روسنا بالعالي بمقاومتنا وبدم شهدائنا
بعالكس تقدمنا مليون خطوة لما اسرائيل بتقول بواجه جيش منطم لحماس بغزة يمنعني من احتلالها
كمان تقدمنا مليون خطوة لما اسرائيل بتحسب ألف حساب لحماس انها سيدة القرار الفلسطيني
والحق بما شهدت به الأعداء مو محتاجين شهادة المنبطحين المنهزمين بكفينا قرفنا منهم ومن مفاوضاتهم ومؤتمؤاتهم للخيانة وبيع الارض والدم
|
صف واطفي ولا !!
لسة بيقلي شهدا ودم وصواريخ !
ع رأي أم كلثوم وعايزنا نرجع زي زمان قول للزمان ارجع يا زمان
بدك تعرف كيف حماس رجعتنا لورا 100 سنة ؟
ع راسي ولو
خسرنا خط من خطوط المقاومة وحماس من أول ما دخلت السلطة ولا عملية استشهادية صارت
ولا حتى الصواريخ ضلت تطب بسديروت !
بدل ما كنا بفاسد ظاهر وفاسد مخفي صرنا ب 2 معفنين مقرفين والجهتين صارو يقدرو ياخدو مصاري باسم الشعب الفلسطيني اللي ما بيوصلوش اشي من كل الدعم !
وضعنا الاقتصادي نزل تحت الأرض ازا انت مغنيك الله ومعطيتك حماس غيرك رايح بالرجلين !
مش مصدق ابقى طل عالضفة ولا بلاش عالضفة زور غزة وشوف انو في ناس ما معها تاكل وشفت بعيني !
الدولار سعرو نزل والدينار سعرو نزل واللي كانو سعرو شيكل واحد صار 3 فش الا شغلتين بيرخصو الشرف والبني ادم !
رواتب بالقطارة بتنزل " قول هون انتظم الوضع شوي " بس الاسعار تضاعفت والراتب ع حالو !
قضيتنا فوق ما كانت ضايعة ضيعتوها
وصرنا عالم بينضرب فينا المثل بالعداء والغباء
ازا التاريخ نسيها لحماس وفتح ولا حدا من الجيل اللي وعي لهالمأساة رح ينسى
ولساتك بتقلي صواريخ وشهدا ومقاومة
تنباع بالعزا الهي
