[يمان Rooooonaldo]

مرحبا
ما بعرف اذا بيحقلي رد
بس انا شخصيا شايف انك مانك متوفق بالاقتباسات صديقي بمان
لانو انت اخد اقتباسات فيها اسئلة مشروعة بتحتاج لأجوية بنظر الشخص اللي رادد طبعا طبريقة تهكمية
بظن انو التهكم على شي هوي شي ناتج عن ايمان بهالشي بس هالشي ما طلع قد هالايمان
ما بعرف انو اذا انفهمت
بس يعني ما بدي منك تاخدها القصة على محمل دفاع عن الشخص اللي رادد هالردود
انا بعبر توضيح هي النقط بيكن اكبر رد على هالتهكم الحاصل
يعني بالصراحة وانا مابدي ينتقل نقاش الموضوع لهون
بس لو بتفكر شوي بتلاقي معو هلق بالاسئلة اللي احيانا انا شخصيا بسألها
وشكرا
اهم شي ما تنسا انو نحنا اخوية

حبيبنا زين ..

شغلة الاقتبسات ان كانت .. زابطة معك او ما زابطة .. مالها علاقة بالقصة ..

القصة اللي انا كنت معترض عليها .. انو وقت بتجي انت .. وبتحط الاية وبتبلش .. تحكي عنها وتقول انو هيك وهيك وهيك .. وما صار الرد والجواب من الله .. بتكون عم تشسرح الاية .. على كيفك بدون ما يكون عندك العلم الكافي بالقران او بالايات الموجودة .. ومتل ما .. نزلتو بالبنت اللي هدرت دمّو للزلمة .. انو مالها حق تفتي وتكفر وما بعرف شو ما بتوقع انو حسب علمي طبعا ولا واحد من اللي ردو باخوية .. عندهم العلم المناسب للشرح والحكي بايات القران او ايا كتاب سماوي تاني .. فـ وقت بتحط هيك خبر وبدك تحكي وتناقش بموضوع الايات والتساؤلات اللي انت ببالك .. بدو يتحول النقاش لنقاش ديني .. ونقاش بالعقيدة نفسها .. والكتاب تبعها .. وكيف وليش وايمتا بدو يصير المكتوب فيها .. لذلك بدو يتحول النقاش لديني بحت .. وهون بتوقع اخوية بترفض تماما ايا نقاش ديني او الو علاقة بالدين .. وياما مواضيع .. انذكر فيها اية او ايتين .. وانخذفت الردود .. بقا ليش هلا بالزات انسمح بشغلة انو تنحط هالاية ومسموحة هالتساؤلات كلها ..

يعني صديقي انت عملت تماما متل الناس يلي قالت " ويلٌ للمُصلين" و سكتوا من دون ما يكملو الأية ...طيب ..انا كتبت رد بعد ردي يلي اقتبستو انت هون ..بس تجاهلتو ...على اي حال ...حضرتك مصر انو ردي كان تهجم على القرآن ...خليني وضح نقطتين ...الأولى انو قصة ارم ذات العماد ما مذكورة غير بالقرآن ...لهيك اقتبست اية منها ...بس وضحت انو كمان بالأنجيل و التوراة في قصص عن اقوام الله أبادون عالأخير ...يعني انا لما اقتبست من القرآن ما كان عندي شي ضد القرآن بالخصوص ...لأ كان قصدي القرآن ككتاب سماوي يعني متلو متل الأنجيل او التوراة ...


ثانيا ..بطلب منك تقرا الرد رقم 53 بالصفحة هي ...
http://www.akhawia.com/showthread.php?t=122613&page=3


ووقتها ممكن تعرف متل هيك آيات شو ممكن تأثر على البشر ...



..ما يعني اذا انا آمنت بشخص بطير و بيمشي عالمي و بيشق القمر ..لازم امنع الناس انو تقول لأ ...ما في شخص بيعمل هيك امور خرافية

اسف لأني نقلت الموضوع لهون ..اصلا انا ما بعرف اذا بحقلي رد هون ب بريد المنتدى ...

بتمنى منك تاخدنا بحلمك ..

حبيب ..

اول شي .. كان فيك ترجع تتتفبسلي من الموضوع .. كمالة الردود تبعك اللي بتثبت عدم طريقة المسخرة اللي انفهمت من ردك الموجود فيها كان .. وقت بتحط هالاية المقتبسة من القران او غيرو من الكتب السماوية .. وتحكي عليه بهالطريقة ..

حبيبي .. النقطة المهمة اللي لازم انو .. تنعرف ويتجاوب عليها .. انت بدك نقاش .. وتحكي عن هالايات .. والحكي وادراج هالايات القرانية والحكي عليها .. لح يكون نقاش ديني ..

والنقاش الديني ممنوع باخوية .. " بايا دين كان " + .. وقت تحط الاية القرانية .. وتبلش انو ما بكفي وما بكفي .. انا من ناحيتي .. لح اعترض لانو ما حقك .. تناقشني .. بايا شي بيتعلق بأيا ديانة اخرى هون داخل هالموقع .

..ما يعني اذا انا آمنت بشخص بطير و بيمشي عالمي و بيشق القمر ..لازم امنع الناس انو تقول لأ ...ما في شخص بيعمل هيك امور خرافية

وانا ما طالبتك انك تآمن حبيب .. ولالي قاعد عم انشرلك ايات وشغلات ... لاعمل فيها تبشير لديانتي او ديانة غيري ..

بس بالمقابل .. مالك حق انك تتمسخر على هالحكي بايا طريقة تانية .. لانو الاحترام الموجود من قبلي لح ينقلب لشي تاني للاسف ..

طيب اسفة اني رديت عليك وخليك مستني مشرفين القسم ليردو

ريم ..
وقت كتبت هالجملة فوق .. ما كانت موجهة الك لانو رديتي عليي او لا .. بس كانت موجهة للمسؤولين عن القسم .. لانو معهم الصلاحية .. انو يعدلو او يحذفو ايا شي .. بيكون مخالف ..

اما انك رديتي عليي فاكيد مشكورة .. انك رديتي .. وتوضيحي للجملة ما كان مبين معناها .. لانو لو كنت عم انطرهم هنن ليردو ما كنت رديت وكنت نظرت المسؤوليين ليردو ولا حتى كنت رديت عالشباب فوق ..

للعلم بس في كتير شباب معروفين انو ملتزمين دينياً متل مجمد ابراهيم والتقرير الجوال فاتو عالموضوغ وناقشو بكل جرأة وموضوعية وبشوف انو اسلوبون كان احسن من اسلوب سكرولنا الموضوع

اذا بتريدو

عفوا منك .. بغض النظر انك كنت ملتزم دينيا .. او كنت مفلّت دينيا .. او كنت ما عندي دين اصلا .. قوانين المنتدى ما بتتغير من شخص لشخص . بتوقع .. وبتنطبق عالكل .. بفرد دفعة ..
اول شي .. الموضوع ما فيو نقاش علمي .. حسب ما انا شايف .. " فيكي تقولي .. ما كنت ناوي ناقش .. وخصوصي بعد ما رد حشت نشت .. انو ردو تقريبا كان .. بيوصضل الفكرة المطلوبة . " .. بغض النظر عن موقفي تجاه الله او ايا شي تاني .. بس انو القصة كلها عبارة عن لفت نظر .. او انو مزحة حابب يعملها الزلمة كان ..

هلا قصة انو الله اوفى بوعدو او لا .. او انو القصة تحطلي هالايات القرانية او الهندوسية او القمرية وتبلش يلا .. ليش ما عمل وليش ما وفى بوعدو هي مانو مسموح فيها لانو انت هيك حاطط عقيدة معينة ومبلش بدك تحكي فيها ..

معلش .. القوانين موجودة بدا تكون عكل المواضيع وعكل الاشخاص .. ووقت حدا بيغلط .. او بيكون فكرة الموضوع بتخالف القوانين ما عيب انو يطلع هالحكي موجود .. ولا لح يكون غلط ..

**في اعلان واضح باول الصفحة عن منع الاعتراض على اي اجراء اداري بهالفترة لانو صارت القصة تسالي

ما بعرف .. بس ما لح رد على هي النقطة .. لانو .. يعني ريم اكيد ماني جاية اتسلى هون ترا ها ..

*** تقرير المشاركة العاطلة هو الطريقة الوحيدة للتبليغ عن الموضوع المخالف بوجهة نظر اي احد ومجرد ارسال التقرير يعني وصوله للاشراف ومافي داعي لفتح موضوح حولو بالبريد لانو المعنى واضح انو الاشراف ما اقتنع بالاسباب يلي اجتواها التقرير وانو مطلع عالموضوع كاملاً وماشاف مبرر لاغلاق الموضوع.. فبهالحالة عندك خيار وحيد انك تتجاهل الموضوع باعتبار مانو عاجبك وماعم يتسكر

خيتو .. بريد المنتدى انوجد لنعترض ونكتب اللي عنّا .. تقرير المشاركة العاطلة ما بينحط فيه الاسباب ولا يمكن انك تناقش فيه وتبيني وجهة نظرك ..

ما تقنعيني انو انا هلا لازم روح اكتب كل هالحكي اللي انكتب بالتقرير .. انا بعمل التقرير لتبه المشرف عاللي عم يصير جوا باختصار شديد .. وقت ما شفت انو المشرف مثلا ما عرف شو النقطةا للي انا حكيت عنها .. بروح وكحقي اني افتح موضوع واحكي فيو عن اللي عم يصير جوا .. بدون حساسية زايدة لانو ماني فاتح الموضوع وعم اتهجم عحدا شخصيا ابدا ..

بتمنى تكون وصلت الفكرة لهون ..

**** كمان مرة اخوية هيك كانت وهيك بدها تبقى ويلي مو عاجبو يلاقي منتدى تبشيري للديانة المسيجية او الاسلامية

حتى لو بدك تحطي جنبا 100 نجمة .. اخوية من زمان .. هية اخوية ولح تبقى اخوية .. وانا ما عندي اعتراض عشي عم يصير .. ولالي من جماعة انا اعترض اذا انا موجود .. لذلك رجاء هي الجملة بتوجهيها لغيري بيكون افضل .. لانو ما حلوة طريقة هالحكي بهيك طريقة .. لالي فايت عم اتهجم عحدا معين ولالي فايت عم انشر دين معين .. ولا عم حاول اني .. اعترض بطريقة ولادية متل ما حضرتك عم تكتبي من فوق كنتي ..

بتمنى وقت بدنا نحط عبارة هون .. نلتزم شوي بالحكي اللي منحكيه مع الاعضاء .. من حيت تكبير الخط او الالتزام بالكلام الموزون ..

عفكرة بالنسبة لحكي حسام مالو علاقة ولا بيمت للموضوع بصلة ابدا .. لذلك بعتذر اني ما لح رد عليه ..

ويعطيكم العافية جميعا ..