[love_is]

أول حاجة هأقولهالك انت قولت ان ده حوار حضاري منطقي بعيد عن أي تعصب وأنا ما شفتش ده منك يبقى عاوز تشوفه اذاي من اللي هيردوا على موضوعك ...
بس أنا هرد عليك بالمنطق اللي انت عاوزه ...
عمرك شفت سفينة ماشية كدة لوحدها بتحمل لوحدها وبتروح الشط التاني وتفضي الحمولة وترجع تحمل من جديد وكل ده لوحدها ...
لو شفت قولي لأنك مستحيل تشوف حاجة زي دي ..
الدنيا كدة مستحيل تمشي الأمور فيها بدون مسير لها وهو الله سبحانه وتعالى ... ومافيش حاجة خرجت عن سيطرته , الكون مسير بطريقة صعب ان حد يفهمها خصوصا لو الحد ده بشر زي حضرتك من بين ملايين البشر , لكنه سبحانه وتعالى عما تصفون بين لنا حاجات بسيطة تفهمنا اذاي الكون ماشي ... زي مثلا أنا لما كنت في الثانوية العامة السنة دي حطيت في بالي ان أنا هذاكر كويس وهدعي ربنا سبحانه وتعالى ويكون هدفي من دراستي ان أنا هنصر بالطريقة دي الاسلام والمسلمين والعالم العربي والحمد لله جبت 99,99 في المية وهكذا لو ربطنا حياتنا بربنا وعملنا بجد واتقان وبدون غش وكان هدفنا مش شخصي بحت , يكون قضية عامة مهمة للعالم هضمنلك ان احنا نكون أحسن أمة ...
ده اللي ربنا والرسول محمد عليه الصلاة والسلام والأنبياء من قبله موسى وعيسى وابراهيم وصونا بيه وكمان مذكور في القرآن ...
في امريكا الوقتي تلاقي ناس عندهم هدف سامي وقضية نبيلة وبيعملوا بكل جد واتقان وامانة لكنهم مش عندهم رب وجنة ونار بعد الموت علشان تبين لهم ان فيه ثمرة لعملهم ده فبينتهي الحال بيهم بانتحار أو موت شنيع أو أمراض مستعصية أو مصايب وبلاوي كتير ...
وده يبين لك ان ربنا ( الله )موجود في حياتنا لأي درجة ...
ولسه لكلامي بقية ..
بس انا كلمتك بالمنطق فياريت انت يكون عندك احترام وتتكلم كمان بالمنطق وبشكل حضاري وتطبق كلامك...