هلاء الموضوع ما كتير صرلو جرصة ...وان حاول البعض دقّ اسافين و اللعب على وتر الصراع و نظريّة المؤامرة الخ
بس الموضوع ماكتير اجا على بال حدا و رح بنتسى بسرعة متل غيرو ...
وبصراحة أنا شفت انو قرار المنع هو قرار الصح...طالما الشعب اختار اللي مقتنع فيه ...
... بركي بيصير متنفّس شوي للنَفَس المتطرف اللي عمبيزيد باضطراد بأوربّا ....وتخفّ حدّة الكراهية للغرباء ...
-----------------------------------------------------
ملاحظة ,
اقتباس:
كاتب النص الأصلي : أم الجود
إذا بدنا نقبل هاد المنطق منكون عم نكرّس التعصب و رفض الآخر عند العرب المسلمين و نبررلون ياه لأنن متخلفين فشو ما عملوا لا عتب عليون ، و أما إذا الغرب أبدى شوية انفتاح و تسامح بيطالعوه بلا منّية لأنه هوه هيك هيك منفتح و هالشي واجب عليه مو كرم أخلاق منو ، و مجرّد ما يقصّر شوي بقيموا قيامتو (ليك شو عم يشجعوه يعاملون منيح !!) لأنه كونو متقدم فما بقا يطلعلو يعامل بالمثل أو حتى أقل من المثل ..!
|
في شغلة عزيزتي أم الجود ...
لما بتقولي تكريس التعصّب العربي المسلم ...عمتخلطي الصالح بالطالح و شعبان بأكتوبر ..
معليش انا مابرضى انتهم بالتطرف و الغوغائية كرمال فتوى صميدعية من مخبول عايش بكهوف تورا بورا طالع فتوى...أو مجنون فجّر حالو ...أو شعب معاق جاهل مابيشوف أبعد من الشحّاطة اللي لابسها ...
لا أنا و لا أغلب المسلمين ... ببلدنا عالاقل...بيرضى انو تنهضم حقوق أهلنا و أخواتنا ...ولا انو ينسلب أصغر حقّ من حقوق المساواة بيناتنا ...
أما موضوع التطرف
الديني..وليس الاسلامي و مسبباتو و أهدافو موضوع طويل و متشعّب لايسع المقام لمناقشتو حالياً....
تحيّة