[COSTA]

كاتب النص الأصلي : كوستا

وبرجع للموضوع بس حتى اقرا منيح واتمعن فيه واخد حشيشة تعبي الراس

اي وبعد ما اخدت حشيشة تعبي الراس وانسطلت فيها ( طبعا مو السطل تبعنا ) ودخنت شي باكيتين وينستون احمر تهريب ( مو متل غيري ترك الدخان )

يمكن حجم الخلاقات بينا سواء كانت عقائدية أو أيدولوجية كبيرة كتير . لك وسط كل هالخلافات في شي بيجمعنا . حتى و إن كان الشي بنظر البعض هامشي و صغير . لكن التجربة الأخيرة يلي مرينا فيها كلنا بعد تهكير أخوية . وصلتنا لمفاهيم جديدة

طبعا انا بسميها اختلافات بالفكر وليست خلافات يا وائل
وعن المفاهيم يللي وصلنالها بعد التجربة والشمططة بغير منتديات انا شخصيا ما قدرت استوعب وجودي بغير الاخوية على الرغم انو كان في اعضاء من الاخوية معنا بغير منتديات ومتل ما قالت مرسيل بالزمان الاخوية بيتي وكتبت موضوع عن هالشي

لكن أني اختلف بفكرة او حتى رؤية كاملة او ايدولوجيا . مو من حقي إطلاقاً ان أمنع هالانسان من أنو يعبر عن ذاته . أياً كانت الصيغة يلي راح يصدر فيها تعبيره . لكن وقت بتتعارض صيغة هالتعبير مع حقي في التعبير عن ذاتي و عقيدتي يلي بأمن فيها . وقتها بحارب بكل ضراوة عن حقي . لانو حقي جزء من كرامتي

انا معك بكل حرف كتبتو هون

بتسأل هون هل من حق الشخص يلي هكر اخوية من يكمم أفواهنا جميعاً . لو كان الدافع ورا تهكير المنتدى هو وجود بعض الاشخاص يلي عم تشتم الذات الإلهية .

طيب يللي بامن بالذات الالهية كمان في ناس شتمت الذات الانسانية او اديان وضعية او معتقدات ارضية وحتى عبدة الشياطين ومولانا سعدو وسطلنا المقدس

لكن ما سأل نفسوا هالشخص هاد أنو في كتير هون ناس مسلمين و عم تعبر عن الاسلام و تحكي عن الاسلام بشكل كتير رائع . ما بدي احكي عن اسماء هون لانو الاسماء كتير . لكن وقت اعطى نفسوا هالشخص الحق في تكميم افواه من تطاول على الذات الالهية لو بدي سلم جدلاً هون بحقه من منظور عقائدي . هل كان ايضاً من حقه أن يكمم أفواهنا نحن المسلمين و ان يمنعنا من التعبير عن ذاتنا و عن اسلامنا العظيم .

لا ما سال نفسو لانو قلتلك تصرف بديكتاتورية ونابعة من ضعف بشخصيتو وعدم قدرتو على الحوار واستيعاب الاخر
وفي كتير ناس اسلام كتبت بشكل رائع ولم تهن ببقية الديانات او الايدولوجيات وتحترم بقية الاعضاء وهنن بيحترموهن ..... بس المنظور العقائدي تبعو هاد الهكرجي اكيد بشكل خطر مو على الاخوية وحدها بل على المجتمع كامل ولو كان قادر انو يشوف الاعضاء بشكل شخصي ولو مافي قانون يحاسبو كان اغتالون او ذبحهم او لو اجتمع فيهن فرضا بافغانستان او العراق حيث الفوضى كان خطفون وعذبهون وقتلهم حتى لو كانو من نفس ديانتو لانو منظورو غير منظور الاخرين

هل أصبحت أبجديات الإقصاء جزء أساسي من منظومة الثقافة العربية ليصل بنا الأمر من أن نكون قضاة و جلادين لنصدر الأحكام و ننفذها . حتى و ان تعارضت تلك الأحكام مع أبسط حقوقنا بالتعبير عن ذاتنا .

شوف وائل ....
الاقصاء هون مانو نابع من الثقافة العربية بل نابع من السياسات العربية يللي اثرت على ثقافة العامة وليس المثقفين
يعني لما بكون حاكم ما عم يقصي معارضينو والشعب عم يشوف ويتفرج هون بتولد عندو للشعب هي الممارسة الاقصائية ( اذا فينا ناخد المصطلح بهيك تعبير)وبيتصرف على اساسها بحياتو اليومية

إن كان من قام بهذا العمل يعتبر نفسه مجاهداً و قد حقق نصراً مؤزراً هنا حين قام بفعلته . بعتقد أنه من الحمق إعتبار ما فعله نصراً لانه لم يستطع أن يكمم تلك الافواه التي قصدها . بل ها هم موجودون الان هنا و في كثيرا من المنتديات .
كان حرياً به أن ينضم لاخوية و ان يدافع عما يؤمن به . عن عقيدته . عن كل تلك الافكمار التي يتغنى بها . بدلاً من أن يسلك طريقاً لا اجد له توصيف مناسب

كمان مرة انا هون معك واكيد في غيري معك

هناك نقطة اردت الاشارة اليها و كلي أمل بالادارة أن يكون لها موقف في هذا الموضوع . اتمنى من الادارة ان يكون لها موقف من موضوع التطاول على الذات الالهية . لكل الاعضاء الحق في طرح اياً من وجهات النظر المختلفة بشتى المواضيع حتى العقائدية منها . لكن مسألة التطاول على الذات النلهية تمس اصل عقيدة المسلمين و الذين هم جزء اساسي من تلك المنظومة المتكاملة فاخوية ليست مجرد منتدى بل منظومة متكاملة . ارجو و اتمنى ان يكون لكم موقف بهذا الموضوع و كلي امل فيكم .

طيب انت تتحدث كمسلم ومؤمن بعقيدتك ومن واجبي ان احترم ما قلت لكن لا يمنع ان نتناقش وحتى لو في صلب العقيدة ( بغض النظر اي كانت ان سماوية او ارضية او فكرية )

_________________________________________
وهون بدي احكي نقطة لاحظتها بينك وبين كريم
سال هاد السؤال كريم

و اذا بتلاحظ يا وائل، انت مشكلتك مع الارهابي المجرم، انو هكر موقع بيكتب فيه مسلمين، يعني عفوا لو كان هالموقع ما بيكتب فيه غير ملحدين كنت رح تكون مع التهكير؟

انت جاوبت عليه بطريقة غير مباشرة ( حسب ما فهمت من كلامك )

إذا كان المنطق يبيح التعامل مع الخطأ بخطأ آخر فأنا هنا سأعتبر من وجهة نظري أن من قام بتهكير أخوية كان صائباً . طالما أننا أبحنا و قبلنا بأن نعالج الخطأ بخطأ آخر . بل أنني سأرفع له كل قبعات الكون

_____________________
طيب خلينا نحكي بصراحة اكتر ونكون واقعيين
المؤمن اكيد ما بهون عليه يشوف الذات الالهية عم تنسب
والغير مؤمن او الملحد ( الكافر متلي ) اكيد لما بسب الذات الالهية ما بكون عم بسبها لانو متقصدها بالعكس بتكون عادة على لسانو اخذها لانو هو لو بالفعل بدو يسبها فهاد اكبر دليل انو مؤمن فيها وبالتالي هو غير ملحد او غير كافر بل هو مؤمن
_________________
وعن الذات الالهية او المعتقدات او هالشلة هي ففي احكام بالاخوية وقوانين ببتعامل معها الاخوية حسب ردود المشاركين
______________________
وبرجع بعدين لانو بدي دخن وحشش شي شوية