انا ما بدي ساهم معكن ( بالحمار ) اخواتي ..بس بدي علق على طلب وائل اللي هو متل ما فهمت مشكلتو المركزية
اقتباس:
|
هناك نقطة اردت الاشارة اليها و كلي أمل بالادارة أن يكون لها موقف في هذا الموضوع . اتمنى من الادارة ان يكون لها موقف من موضوع التطاول على الذات الالهية . لكل الاعضاء الحق في طرح اياً من وجهات النظر المختلفة بشتى المواضيع حتى العقائدية منها . لكن مسألة التطاول على الذات النلهية تمس اصل عقيدة المسلمين و الذين هم جزء اساسي من تلك المنظومة المتكاملة فاخوية ليست مجرد منتدى بل منظومة متكاملة . ارجو و اتمنى ان يكون لكم موقف بهذا الموضوع و كلي امل فيكم .
|
بغض النظر ان كان المسلمين او غير المسلمين جزء اساسي او غير اساسي من هالمنظومة او من غير منظومة , من واجب الناس مراعاة مشاعر الاخرين ( كواجب اخلاقي يعني ) , و من غير المحبذ اهانة المقدسات ( عدا عن تدمير المقدسات بالمتفجرات مثلا ) لأنو اهانة المقدسات بتسبب عادة نتائج سلبية و احيانا كارثية ( ما لأنو المقدسات فعالة ...بس لأنو اللي مقدسين المقدسات بكونو وقتها انفعاليين ).
يعني هون ماننا مختلفين .
بس عاد كيف بدك تقول !!
يعني بدك تقول انو ما ضل شي مانو مقدس ......
خود مثلا : اوقات الصلاة مقدسة ...
اوقات العمل كمان مقدسة
القضية ...قضية مقدسة
و الارض ....مقدسة
و البقرة مقدسة !!
و دماء الشهداء ( على اختلاف انواع الشهداء و خلافهم ايضا ) مقدسة
حرية التعبير مقدسة
و حرية الفرد مقدسة
الكنائس مقدسة
و الجوامع مقدسة
و الحسينيات مقدسة
الوحدة الوطنية مقدسة
و القومية العربية مقدسة
الفومية الكردية على فكرة ..كمان مقدسة
حدود الدول و مياهها الاقليمية ...مقدسة
العادات و التقاليد ....مقدسة !!!!!
و في عندك ..الخمر المقدس
و النار المقدسة
و القدس المقدسة
و ...و.....و................
يعني و بزحمة المقدسات ...بصير صعب الواحد انو يقدر يمشي بدون ما يدعس ع طرف شي مقدس , يعني ما هينة منوب....صعبة الله وكيلك ...بقى الواحد بدو يكون بالو طويل شوي ....و يتحمل يعني ...اذا شفت اخوك متضايق بمشيتو و بالغلط زحط و اجا داعس ع طرف شي من مقدساتك ..بدك تستوعبو ..انو هو اخوك ..و انو هو ما قدران يمشي ....و اخوك كمان لازم يستوعبك اذا زحطت و هيك المجتمع كلو بيزحط و كلو بسامح ...!!!
شو بدنا نعمل هيي هيك ..و هيك هيي .....
J.S: Death is the solution to all problems. No man = No problem.