[oliver68]

كاتب النص الأصلي : Reemi

وين من زمااااان

إيد لحالها ما بتقدر تصفق!!! الله وكيلك هيك أخبار بدك تفوتي على موقع معتمد وأكيد مو عربي!!! ولازم ترجمي الخبر، ولازم الترجمة تكون علمية ودقيقة، مو هات إيدك والحقني!!! يعني القصة بدها روقان وبال فاضي، هلأ هالفصل ما عندي غير مادة وحدة وتحضير الرسالة، فالضغط شوي أخف، وغير الرد على المواضيع السياسية والحكي مع الأصحاب والأهل على التشات، يعني ممكن يضل شوية وقت.
بالملخص مافي حدا من الشباب مهتم بهيك مواضيع!!! أنا لما حطيت الموضوع توقعت يصير في حركة وتعاون، يعني الشباب المهتمين رح يدوروا ويحطوا أخبار، لك لو خبر كل أسبوع!!!! روحي على قسم الصالون وقسم الموبايلات والأغاني، بتلاقي كل ثانية في شي ميت رد، بينما هون بقسم أخبار العلم، كل ميت يوم ليجي رد !!!!
الله بعين، هلأ رح حاول خصص وقت زيادة للأخبار، بركي الشباب بيتشجعوا وبينشطوا.
شكرا إلك على الاهتمام الرائع بالقسم، عنجد الله يعطيكي العافية.