[صياد الطيور]

ما حدا علق على المباراة شكلو ما حدا شافا

المهم أنا بالرياض و كنت بدي أطلع على الدمام لنحضر المباراة بس ما مشي الحال بآخر لحظة لهيك اكتفيت بحضورها على الـ art
المهم يا شباب ... من زمان ما شفت منتخبنا عم يلعب هاللعب الحلو
في فكر و في خطط و في تكتيك ( طبعا هادا بسبب الأنسجام الواضح بين لاعبي فريق الاتحاد الي بيشكلو 8 لاعبين من المنتخب ) الشوط الاول كان هجومي لسوريا بالبداية بس بعدين انقلبت المباراة و لو استفادو من الفرص الي أجتهم خلال أول ربع ساعة كانت المباراة لصالحنا أكيد و بعدها بلش المنتخب السعودي هجمات مرتبة مع سرعة عالية من الجناحين و سجلو علينا الهدف
الشوط الاول لعب بلا المحترفين و بالشوط التاني نزل المدرب المخضرم فجر إبراهيم كلاً من فراس الخطيب و جهاد الحسين و رجا رافع
كمان بداية الشوط التاني كانت هجوم و سجلنا هدف التعادل عن طريق رجا رافع
فراس كان ممتاز بالمباراة و كمان عاطف جنيات بس مشكلتو لعاطف أنو أناني و ما بيتابع بقية الفريق و ين هنن
في نقاط بتتاخد على المنتخب أنو مفتقد تماماً لخط الوسط الي كان عم يلعب مدافع و عم يلعبو كرات طويلة للهجوم
الدفاع كان قوي و مزبط مزبوط بس مشكلتو لما بدو يشتت الكرة بيشوط كيف ما كان ... يعني بدل ما يحقق هجمة مرتدة من خلال قطع كرة بمنطقتنا و تحويلها للمهاجمين عم يشوطو كيف ما كان و كيف ما تجي تجي

و غير هيك .... الله يوفقهم للشباب الطيبة
اليوم عندهم مباراة مع منتخب البحرين بالبحرين و المباراة مهمة كتير للفريقين و رح تلعب الساعة 5 المسا بتوقيت دمشق و منقولة على الرياضية البحرينية