اقتباس:
كاتب النص الأصلي : مجنون يحكي وعاقل يسمع
خيو أبو طوني أنا ماعندي بضاعة نفقت من زمان شربتهت كلها دواق أول ما فتحت البسطة بلشتلك دواق بهالبضاعة, اول كاس ...... تاني كاس .....أول بطحة ...تاني بطحة ... انتقلنا عالقنينة ..أولى ...تانية ما تقول يا أبو طوني بعض أنواع الجنون بيخلي صاحبو ما يشعر بالشبع ... حاصله نفقنا والجبر سعدو
بس بتعرف صوتي قوي متل سيارة الإسعاف ببرك جنبك وبصيح عالبضاعة
أصلاً هي بضاعتك أكرك عجم ما بدها صياح بس بسلّيك منتسلى مع بعض
وتحيات ملؤها جنان وهبال كمن إلك ولكتاباتك
وعاش الوطن وكاسو من كاس عرق ممزوجي بالألم وبالقهر
|
سماع لاحكيلك هلقصة
خلي هلمرة المحشش يحكي والمجنون يسمع
غاز المدينة شركة عريقة كتير بحلب عنده بالميتة بالميتة 10 سيارات غاز وزلمة ضميره عايش يعني مو متل البلطجية
كان يمشي سياراته بالطرقات ويشغل هلبفلات يا معلم ويجعر " بدل مرتك (جرتك ) بالسيارة ... غاز المدينة بالسيارة
بعدين حس انه مو من الله عم ينشلف عليه سطول المي
فبدل ما يبقى عم يجعر حط موسيقى ( ليلة عيد ليلة عيد الليلة ليلة عيد .. زينة ولاد تياب جداد وبكرا الحب جديد ) تبع فيروز والنصارى وعيد الميلاد وهلقصص
هلق اذا كان بغير حارات عم يغير النغمة انا ما خصني عبحكيلك شو وضع سما ربه وقت بكون تحت بيتي
ومن وقتا العالم صارت تحبه ومشي حاله واتجوز العالم وصار عنده بكل بيت عيلة
خلاصة القول يا اخي المستمع اذا صوتك نشاز تفضل لعندي شنو لأنو بحب آكل سطول مي على راسي وبحب اعلق مع البشرية .. وهيك وهيك جايين على صيف ومنيحة الميات بهلأيام
اما اذا كان صوتك بافاروتي وبدك تلحني البسطة وتطلع وتنزل بالطبقات فمالي مصلحة معك بالمرة .. انا عندي بيت ما عم اعرف كيف بدي اخلص منه